Result / 12 સાયન્સનું પરિણામ જાહેરઃ 84.69 ટકા સાથે રાજકોટ પ્રથમ નંબરે, સુરતના 19 વિદ્યાર્થીઓ A-1 ગ્રેડમાં

• આજે ધોરણ-12 વિજ્ઞાન પ્રવાહનું પરિણામ જાહેર
• 71.34 ટકા પરિણામ આવ્યું
• 84.69 ટકા પરિણામ સાથે રાજકોટ પ્રથમ નંબરે

રાજ્યમાં ધોરણ-12ના વિજ્ઞાન પ્રવાહનું પરિણામ જાહેર થયું છે. www.gseb.org પર પરિણામ જાહેર કરવામાં આવ્યું છે. ત્યારે આ વર્ષે 84.69 ટકા પરિણામ સાથે રાજકોટ પ્રથમ નંબર પર છે. ધોરણ 12 સાયન્સમાં 1 લાખ 16 હજાર 643 વિદ્યાર્થીઓએ પરીક્ષા આપી હતી. જેમાંથી તેમાં 83 હજાર 111 વિદ્યાર્થીઓ પાસ થયા છે, જ્યારે 33 હજાર 532 વિદ્યાર્થીઓ નાપાસ થયા છે. વિષયવાર પરિણામની વાત કરીએ તો, ફિઝિક્સનું 72.48 ટકા, કેમેસ્ટ્રીનું 72.36 ટકા અને બાયોલોજીનું 85.99 ટકા પરિણામ આવ્યું છે. ગત વર્ષની સરખામણીમાં આ વર્ષે અડધો ટકો પરિણામ ઓછું આવ્યું છે. ગત વર્ષે 71.83 ટકા હતું જ્યારે આ વર્ષે 71.69 ટકા છે. રાજ્યની 36 શાળાઓનું કુલ 100 ટકા પરિણામ આવ્યું. જ્યારે 68 શાળાઓમાં 10 ટકા કરતા પણ ઓછુ પરિણામ આવ્યું. જામનગર જિલ્લાના ધ્રોલ કેન્દ્રનું સૌથી ઊંચું પરિણામ આવ્યું. લીમખેડા તાલુકાનું પરિણામ 23.02 ટકા પરિણામ આવ્યું. જ્યારે છોટાઉદેપુર જિલ્લાનું સૌથી નીચું 32.64 ટકા પરિણામ આવ્યું.

અમદાવાદનો અંશ પરીખ અને દીપ પરમાર ટોપર

અમદાવાદના વિજયનગરમાં વસતા અંશ પરીખ પણ ટોપરમાં સ્થાન મેળવ્યું છે. ટોપર બનેલા અશ પરીખે જણાવ્યું હતું કે રોજની ચાર કલાક અભ્યાસ કરતો હતો. એન્જિનીયરીંગ ક્ષેત્રે લક્ષ્યાંક સાથે મહેનત કરીને સફળતા મેળવાની વાત કરી હતી.

જેમાંથી અમદાવાદના મેઘાણીનગર વસતા દીપ પરમાર ટોપર બન્યો છે. દીપએ 12 સાયન્સમાં 99.94 પર્સનટાઇલ મેળવ્યા છે. જો કે ટોપર દીપની વાત કરવામાં આવે તો દીપના પિતા બનાસકાંઠા અગરબતીનો વ્યવસાય કરે છે. દીપના સાથે તેના ચાર ભાઈ બહેન અમદાવાદમા અભ્યાસ કરવા રહે છે. દીપના મોટા બહેન પણ બન્યા ટોપર હતા અને હાલ MBBS અભ્યાસ પૂર્ણ કર્યો છે. ત્યારે દીપ પણ મેડિકલ અભ્યાસ કરવાનું સ્વપ્ન સેવી રહ્યો છે.

વડોદરા શહેર અને જિલ્લાનું 73.86 ટકા પરિણામ

વડોદરા શહેર અને જિલ્લાનું સરેરાશ 73.86 ટકા પરિણામ આવ્યું છે. વડોદરામાંથી વિજ્ઞાન પ્રવાહમાં 6493 વિદ્યાર્થીઓએ પરીક્ષા આપી હતી. જેમાંથી 4796 વિદ્યાર્થીઓ પાસ અને 1702 વિદ્યાર્થીઓ નાપાસ થયા છે. A1 ગ્રેડમાં વડોદરાના એક પણ વિદ્યાર્થીનો સમાવેશ થયો નથી. જ્યારે A2 ગ્રેડમાં 173 વિદ્યાર્થીઓનો સમાવેશ થયો છે.

સુરતમાં કુલ 19 વિદ્યાર્થીઓ A-1 ગ્રેડમાં આવ્યા

આ વર્ષે સાયન્સના પરિણામમાં A1 ગ્રેડમાં 44 વિદ્યાર્થીઓનો સમાવેશ થયો છે. ત્યારે આ વર્ષે ફરી એક વખત સુરતના વિદ્યાર્થીઓએ બાજી મારી છે. સુરતમાં કુલ 19 વિદ્યાર્થીઓ A-1 ગ્રેડમાં આવ્યા છે. જેમાંથી આશાદીપ સાયન્સ સ્કૂલના 7 વિદ્યાર્થીઓનો સમાવેશ થાય છે. વિદ્યાર્થીઓ NEET અને JEE પર ધ્યાન આપતા સમગ્ર રાજ્યમાં A1 વિદ્યાર્થીઓની સંખ્યા ઘટી છે. અંગ્રેજી અને કોમ્પ્યુટર જેવા વિષયમાં વિદ્યાર્થીઓના માર્કસ કપાયા છે.

સિક્યુરિટી ગાર્ડની નોકરી કરતા લક્ષમણભાઇની દીકરીએ 12 સાયન્સમાં મેળવ્યા 99.96 PR

રાજકોટમાં સામાન્ય GISF સિક્યુરિટીની નોકરી કરતા લક્ષમણભાઈ શિયાળની દીકરી કોમલે ધોરણ 12 વિજ્ઞાન પ્રવાહમાં 99.96 PR મેળવેલ છે. લક્ષમણભાઈ સિક્યુરિટીમાં નોકરી કરી ઘર ખર્ચ તથા તેમની દિકરી કોમલને વિજ્ઞાનપ્રવાહના અભ્યાસનો ખર્ચ પણ જેમ-તેમ કરી ઉઠાવતા પરંતુ દીકરીના ભણતર માટેની જરૂરિયાતમાં કોઈપણ ઉણપ નથી આવવા દીધી. સામાન્ય પરિસ્થિતિમાં જીવન ગુજરાન ચલાવતું પરિવાર અને માં-બાપનું સ્વપ્ન હતું કે મારી દીકરી ભણીને આગળ વધે. ત્યારે SOS સ્કૂલમાં અભ્યાસ કરતી દીકરી પણ પોતાના માં-બાપનું સ્વપ્ન, પોતાની મહેનતથી કોઈપણ ટયુશન વગર 99.96 PR મેળવેલ છે ત્યારે પરિવારમાં એક અનેરો ખુશીનો માહોલ જોવા મળ્યો હતો.