પરિણામ / ધોરણ-10ના વિદ્યાર્થીઓને 22 જૂને શાળામાંથી મળશે માર્કશીટ, આ વાતનું રાખવું પડશે ખાસ ધ્યાન

• ધોરણ 10ની માર્કશીટ વિદ્યાર્થીઓને 22 જૂને મળશે
• બોર્ડ દ્વારા 20 જૂને સ્કૂલમાં માર્કશીટ મોકલવામાં આવશે
• સોસીયલ ડિસ્ટનસ જળવાય તે રીતે સ્કૂલે વિદ્યાર્થીઓને બોલાવાશે 

ઉલ્લેખનીય છે કે કોરોના મહામારીની વચ્ચે રાજ્યમાં ધોરણ-10 અને 12ની પરીક્ષાનું પરિણામ માત્ર ઓનલાઇન જાહેર કરવામાં આવ્યું હતું. જો કે હવે શિક્ષણ બોર્ડ દ્વારા માર્કશીટ લેવા માટેની તારીખ જાહેર કરવામાં આવી છે. ધોરણ-10ના વિદ્યાર્થીઓને 22 જૂનના રોજ શાળામાંથી માર્કશીટ આપવામાં આવશે. 

ધોરણ-10ની માર્કશીટ રાજ્યના શિક્ષણ બોર્ડ દ્વારા આગામી 20 જૂને સ્કૂલમાં મોકલવામાં આવશે. આ સાથે દરેક સ્કૂલે સોશિયલ ડિસ્ટન્સ જળવાય રહે તે રીતે વિદ્યાર્થીઓને બોલવાશે. જેમાં સ્કૂલ દ્વારા 10-10ના ગ્રુપમાં માર્કશીટ વિતરણ કરવામાં આવશે. આગામી 22 જૂને સોમવારે વહેલી સવારથી માર્કશીટનું વિતરણ કરવામાં આવશે.