રાજ્યમાં વધુ એક પેપર લીક થયું હોવાની ઘટના સામે આવી છે આ વખત ધો. 10 અને 12ની પ્રિલિમ પરીક્ષાના સોલ્વ કરેલા પેપરનો વીડિયો Youtube અપલોડ કરાયો છે.
ધોરણ 10 અને 12ની પ્રિલિમ પરીક્ષાના પેપર લીક
યુટ્યુબ ઉપર પેપર સોલ્વ કર્યાના વીડિયો અપલોડ કરાયા
શાળા વિકાસ સંકુલ હેઠળ લેવાય છે પ્રિલિમ પરીક્ષા
Youtube પર શાળા વિકાસ સંકુલ હેઠળ લેવાતી પરીક્ષાનું પેપર લીક
Youtube શાળા વિકાસ સંકુલ હેઠળ લેવાતી ધોરણ 10 અને 12ની પ્રિલિમ પરીક્ષાનું સોલ્વ કરેલું પેપર સમય કરતાં પહેલા એટલે કે, બે દિવસ પહેલા અપલોડ કરાયું હોવાનું સામે આવ્યું છે. ઉલ્લેખનીય છે કે, હાલ ધોરણ 10 અને 12ની પ્રિલિમ પરીક્ષા ચાલી રહી છે. ત્યારે યુટ્યુબ ઉપર અપલોડ કરાયેલા પેપરને સંપૂર્ણ રીતે સોલ્વ કરી દેવાયું છે. ઉલ્લેખનીય છે કે, ધોરણ 10 અને 12ની પ્રિલિમ પરીક્ષાના પેપર નવનિત પ્રકાશનમાં પેપર છપાઈ રહ્યા છે. આમ યુટ્યુબ ધોરણ 10 અને 12ની પ્રિલિમ પેપર અપલોડ થતાં ભારે ચકચાર મચ્યો છે.
Vtvના સળગતાં સવાલો
- વિદ્યાર્થીઓની પરીક્ષાને લઈને સચોટ વ્યવસ્થાઓ કેમ નથી?
- કેવી રીતે પરીક્ષા પહેલા પેપર લીક થઈ જાય છે?
- સ્પર્ધાત્મક પરીક્ષા બાદ હવે ધોરણ 10 અને 12ની પરીક્ષામાં પણ પારદર્શિતાનો અભાવ?
- ધોરણ 10 અને 12 બોર્ડની પરીક્ષામાં આવી ઘટના નહીં બને તેની શું ગેરન્ટી?
- શું શિક્ષણ વિભાગ જવાબદારો સામે કાર્યવાહી કરશે?
- બોર્ડની પરીક્ષા પહેલા સચોટ મૂલ્યાંકન જણાવતી પરીક્ષામાં પોલમપોલ કેમ?