GSEB / બોર્ડની પરીક્ષામાં આ વર્ષે પરીક્ષાર્થીઓની સંખ્યા ઘટી, ગેરરીતિ રોકવા માટે કરાઇ આ વ્યવસ્થા

• બોર્ડની પરીક્ષાના સેન્ટર પર સરકારી પ્રતિનિધિની રહેશે હાજરી
• CCTV બંધ થાય તો પ્રતિનિધિ આપશે જવાબ
• બોર્ડની પરીક્ષામાં પરીક્ષાર્થીઓની સંખ્યામાં થયો ઘરખમ ઘટાડો

પરીક્ષાર્થીઓની સંખ્યા ઘટી

5 માર્ચ 2020 ગુરૂવારથી ધોરણ 10 અને 12ની બોર્ડ પરીક્ષા શરૂ થશે. પરંતુ ગત વર્ષ કરતા આ વર્ષે પરીક્ષાર્થીઓની સંખ્યામાં ધરખમ ઘટાડો થયો છે. વર્ષ 2019 કરતા 2020માં ધોરણ 10માં 59 હજાર પરીક્ષાર્થીઓનો ઘટાડો થયો છે. 2019માં ધોરણ 10માં 11,59,762 વિદ્યાર્થીઓ નોંધાયા હતા. આ વર્ષે 10.83 લાખ વિદ્યાર્થીઓ ધોરણ 10ની પરીક્ષા આપશે. 12માં ધોરણના આંકડા પર નજર કરીએ તો ધોરણ-12 સાયન્સમાં 4 હજાર જેટલા વિદ્યાર્થીઓ ઘટ્યાં છે અને ધોરણ-12 સામાન્ય પ્રવાહમાં 7 હજાર જેટલા પરીક્ષાર્થીઓમાં ઘટાડો થયો છે.

બોર્ડનો પ્રતિનિધિ રહેશે હાજર

બોર્ડની પરીક્ષાના સેન્ટર પર સરકારી પ્રતિનિધિ હાજર હશે. સરકારી પ્રતિનિધિને બોર્ડ દ્વારા ખાનગી ડાયરી આપવામાં આવે છે. પરીક્ષા દરમિયાન CCTV બંધ થાયતો પ્રતિનિધિનો જવાબ મહત્વનો રહેશે. ડાયરીમાં પરીક્ષા દરમિયાનનો પ્રતિનિધિ રિપોર્ટ લખશે. સ્કૂલ પરની તમામ ગતિવિધીનો પ્રતિનિધિ બોર્ડને રિપોર્ટ કરશે.