હરિયાણામાં 200 મહિલાઓને મોબાઈલમાં પોર્ન વીડિયો અને ફોટા મોકલનાર 30 વર્ષીય શખ્સની ધરપકડ કરી લેવામાં આવી છે.
હરિયાણાના બહાદુરગઢના 30 વર્ષીય શખ્સની ધરપકડ
લગ્નજીવનમાં ડખો થતા શખ્સ બન્યો વિકૃત
મોડી રાતે મહિલાઓને મોકલવા લાગ્યો પોર્ન વીડિયો અને ફોટા
અત્યાર સુધી 200 મહિલાઓને હેરાન કરી શખ્સે
આખરે પોલીસે કરી લીધી ધરપકડ
હરિયાણાના બહાદુરગઢના 30 વર્ષીય શખ્સે એક શરમજનક કાંડને અંજામ આપીને મહિલાઓ માટે મોટી મુશ્કેલી ઊભી કરી હતી. બહાદુરગઢના શખ્સ મનોજ કુમારને લગ્નજીવનમાં ડખો ઊભો થતા તે વિકૃતીની પરકાષ્ઠાએ પહોંચ્યો હતો અને તે ન કરવાનું કરી બેઠો હતો અને તેણે પોતાની પત્ની સાથે બદલો લેવા મહિલાઓને ટાર્ગેટ કરી અને તેમનું જીવન હરામ કરી મૂક્યું પરંતુ આખરે તેનું પાપ છાપરે ચડીને પોકારતા તે પોલીસની પકડમાં આવી ગયો હતો, જો તે પકડાયો ન હોત તો તે હજુ પણ વધારે મહિલાઓ માટે અશોભનીય કામ કરતો રહ્યો હોત.
Stalker, 32, held from Bahadurgarh, sent sexual content to over 200 women
પત્ની સાથે ડખો થતા મહિલાઓને મોકલવા લાગ્યો પોર્ન વીડિયો અને નગ્ન ફોટા
બહાદુરગઢમાં રહેતા અને જ્યુસ ફેક્ટરીમાં કામ કરતા મનોજ કુમારને છેલ્લા કેટલાક સમયથી પત્ની સાથે અણબનાવ ચાલતો હતો અને આથી તેને મહિલાઓથી નફરત થઈ હતી અને તેણે વિકૃતીથી બદલો લેવાનું નક્કી કર્યું અને બધા સુઈ જાય પછી મોડી રાતે તેણે મહિલાઓને પોર્ન વીડિયો અને ફોટા મોકલવાનું શરુ કર્યું હતું.
મહિલાએ કરી ફરિયાદ, મારા ફોનમાં આવી રહ્યાં છે પોર્ન વીડિયો અને નગ્ન ફોટા
પોલીસના જણાવ્યા અનુસાર ફેસબુક પર બ્યુટી પેજ ધરાવતી 28 વર્ષીય મહિલા તરફથી ફરિયાદ મળી હતી. મહિલાએ આરોપ લગાવ્યો હતો કે કોઈ અજાણ્યો વ્યક્તિ તેને કોલ અને વોટ્સએપ મેસેજ દ્વારા પરેશાન કરી રહ્યો છે અને તેની અશ્લીલ તસવીરો અને વીડિયો મોકલી રહ્યો છે. તપાસ દરમિયાન, કથિત સ્ટોકરની ઓળખ માટે વિવિધ સોશિયલ મીડિયા પ્લેટફોર્મ પાસેથી માહિતી માંગવામાં આવી હતી.
200 મહિલાઓને મોકલ્યા નગ્ન ફોટા અને અશ્લીલ વીડિયો
પોલીસે જણાવ્યું કે આરોપી બહાદુરગઢમાં તેના પરિવાર સાથે રહે છે અને તેને કેટલીક વૈવાહિક સમસ્યાઓ હતી, જેના કારણે તેણે સોશિયલ મીડિયા પર મહિલાઓને ફ્રેન્ડ રિક્વેસ્ટ મોકલવાનું શરૂ કર્યું હતું અને કોલિંગ અને મેસેજિંગ એપ્સ દ્વારા તેમને પરેશાન કરવાનું શરૂ કર્યું હતું. આરોપીઓએ મહિલાઓને જાતીય વીડિયો મોકલ્યા હતા અને અયોગ્ય સમયે તેમને કોલ અથવા મેસેજ પણ કર્યા હતા. આરોપીએ સોશિયલ મીડિયા પ્લેટફોર્મ દ્વારા 200 જેટલી મહિલાઓને પરેશાન કરવાની કબૂલાત કરી છે. પોલીસે જણાવ્યું હતું કે ગુનાને અંજામ આપવા માટે ઉપયોગમાં લેવાતા મોબાઇલ ફોન અને સિમકાર્ડ પણ મળી આવ્યા છે.
પોલીસે કરી ધરપકડ
પોલીસે 200 મહિલાઓના મોબાઇલ પર અશ્લીલ વીડિયો અને ફોટો (જાતીય સામગ્રી) મોકલવા બદલ આરોપી મનોજ કુમારની ધરપકડ કરીને જેલભેગો કરી દીધો છે.