સરકારી નોકરીની સુવર્ણ તક / ધો. 12 પાસ માટે ભારતીય નૌસેનામાં બહાર પડી 1400 પદ પર ભરતી, જાણો એપ્લાયની છેલ્લી તારીખ

• ભારતીય નૌકાદળે 1400 જગ્યાઓ પર ભરતી માટે અરજીઓ મંગાવી
• રસ ધરાવતા ઉમેદવારો નોકરી માટે અરજી કરી શકે છે
• નૌકાદળમાં સરકારી નોકરી મેળવવા માંગતા ઉમેદવારો માટે અરજી કરવાની સારી તક

ભારતીય નૌકાદળમાં સરકારી નોકરી મેળવવા માંગતા ઉમેદવારો પાસે નોકરી માટે અરજી કરવાની સારી તક છે. ભારતીય નૌકાદળે સિનિયર સેકન્ડરી રિક્રૂટ (SSR) અને મેટ્રિક રિક્રૂટ (MR) હેઠળ અગ્નિવીરોની ભરતી પ્રક્રિયા શરૂ કરી છે. આ પદો માટે અરજી કરવા ઈચ્છતા ઉમેદવારો સત્તાવાર વેબસાઈટ www.joinindiannavy.gov.in પર જઈને અરજી કરી શકે છે. તમને જણાવી દઈએ કે, આ પદો માટે અરજી કરવાની પ્રક્રિયા 8 ડિસેમ્બરથી શરૂ થશે. તેમજ અરજી કરવાની છેલ્લી તારીખ 17 ડિસેમ્બર નક્કી કરવામાં આવી છે.

ભારતીય નૌકાદળે SSR ની 1400 જગ્યાઓ માટે ભરતી હાથ ધરી છે. તેમાંથી 1120 પોસ્ટ પુરૂષ ઉમેદવારો માટે છે. 280 પોસ્ટ મહિલા ઉમેદવારોની છે.

શૈક્ષણિક લાયકાત
આ જગ્યાઓ માટે અરજી કરનાર ઉમેદવારો 12મું પાસ હોવું જોઈએ. ઇન્ટરમીડિયેટમાં મેથ્સ અને ફિઝિક્સ સિવાય કેમેસ્ટ્રી/બાયોલોજી/કોમ્પ્યુટર સાયન્સમાંથી એક વિષય હોવો જોઈએ.

ઉંમર કેટલી હોવી જોઈએ
આ જગ્યાઓ માટે અરજી કરનારા ઉમેદવારોનો જન્મ 1 મે, 2002 પછી અને 31 ઓક્ટોબર, 2005 પહેલા થયો હોવો જોઈએ. આ જગ્યાઓ માટે અરજી કરનારા ઉમેદવારોએ 550 રૂપિયા અરજી ફી ચૂકવવી પડશે.