પરીક્ષાર્થીઓને લઈ જતી ST બસનો ડ્રાઇવર પીધેલી હાલતમાં ઝડપાયો

મોડાસાથી ગાંધીનગર જતી એસટી બસના ડ્રાઈવર લાલસિંહ જાડેજા નામના ડ્રાઈવરની પોલીસે અટકાયત કરી છે. દારૂના નશામાં ST બસ ચલાવતો હોવાના કારણે પોલીસે ડ્રાઈવરની અટકાયત કરી છે. મળતી માહિતી મુજબ બસ મોડાસાથી ગાંધીનગર જઈ રહી હતી.

આ બસમાં50 જેટલા લોકરક્ષક દળની પરીક્ષાના વિદ્યાર્થીઓ સવાર હતા. આ ડ્રાઈવરને ઝડપીને મોડાસા ડેપો મેનેજરે પોલીસને સોંપ્યો હતો. દારૂ પીધું હોવાનું ડ્રાઈવરે કબુલ્યુ હતું. ડ્રાઇવરે કહ્યું હતું કે 'હા થોડો પીધો  છે' આ મામલે ધનસુરા પાસે પરિક્ષાના ઉમેદવારોએ હબાળો પણ કર્યો હતો. જેની જાણ એસટીના DCને કરાઈ હતી. જો કે આ મામલે પોલીસ કાયદેસરની કાર્યવાહી હાથ ધરી હતી.

મોટી સંખ્યામાં વિદ્યાર્થીઓ હતા સવાર
LRDની પરીક્ષા આપવા માટે મોડાસાથી ગાંધીનગર જતાં 50 થી વધુ ઉમેદવારો આજરોજ સવારે મોડાસા-ગાંધીનગરની ST બસમાં સવાર થયાં હતા. જો કે એસટી બસના ચાલક નશાની હાલતમાં હોવાનું માલુમ પડતા પરીક્ષાર્થીઓએ બસને અટકાવીને ડ્રાઈવરને પોલીસને હવાલે કર્યો હતો.