Viral / બનાસકાંઠામાં દારૂ પીધેલી હાલતમાં ST બસનો કંડક્ટર, મુસાફરોને કરી રહ્યો છે આજીજી

બનાસકાંઠામાં એસટી બસનો કંડક્ટરનો પીધેલી હાલતનો એક વીડિયો હાલ વાયરલ થયો છે. આ વીડિયો થરાથી પાટણ જતી બસનો હોવાનું અનુમાન છે. ત્યારે કંડક્ટર દારૂ પીને આવતા મુસાફરોએ હોબાળો મચાવ્યો હતો. ત્યારે નશામાં ચૂર કંડક્ટર ખુદ કહી રહ્યો છે કે તેણે બસ શિફ્ટ કરી હોવાથી દારૂ પીધો છે. અને લોકોને આજીજી કરી રહ્યો છે કે, કોઇને જાણ ન કરે. જો કે આ પ્રથમ વાર નથી જ્યારે આ રીતે પીધેલી હાલતમાં કંડક્ટરનો વીડિયો વાયરલ થયો હોય અગાઉ પણ આવા અનેક વીડિયો સામે આવ્યા છે. ત્યારે એસટી તંત્ર પર સવાલ ઉઠી રહ્યા છે કે, તેઓ આવા નશામાં ચૂર કંડક્ટર પર કેમ કોઇ કાર્યવાહી નથી કરતું. મુસાફરોની સલામતી શું આવા દારૂડિયા કંડક્ટરના વિશ્વાસ પર છે. આ વીડિયો સામે આવ્યા બાદ શું એસટી તંત્ર કોઇ કાર્યવાહી કરશે ખરી.