જુનિયર એન્જિનિયરની જગ્યાઓ પર ભરતી માટેનું પ્રથમ પેપર સ્ટાફ સિલેક્શન કમિશન (SSC) વતી કમ્પ્યુટર આધારિત હશે.
એન્જિનિયરો માટે નોકરીની સૌથી સારી તક
2 સપ્ટેમ્બરે અરજી કરવા માટે છેલ્લો દિવસ
જાણો કરી રીતે કરશો એપ્લાય
સ્ટાફ સિલેક્શન કમિશન 2જી સપ્ટેમ્બરના રોજ જુનિયર એન્જિનિયર્સ (સિવિલ, મિકેનિકલ, ઇલેક્ટ્રિકલ અને ક્વોન્ટિટી સર્વેઇંગ એન્ડ કોન્ટ્રાક્ટ્સ) પરીક્ષા, 2022ની પોસ્ટ માટે અરજી પ્રક્રિયા પૂર્ણ કરશે. રસ ધરાવતા અને લાયક ઉમેદવારો જેમણે હજુ સુધી અરજી કરી નથી તેઓ ssc.nic પર ઓનલાઈન અરજી કરી શકે છે.
આ રીતે થશે સિલેક્શન
સ્ટાફ સિલેક્શન કમીશનની તરફથી જુનિયર એન્જિનિયર પદો પર ભરતી માટે પહેલું પેપર કોમ્યુટર આધારિત હશે. જ્યારે બીજુ પેપર લેખીત હશે. પરીક્ષાના પરિણામ બન્ને પેપરમાં આવેલા ગુણ પર આધારીત હશે.
અરજી ફી અને પગાર
જનરલ / OBC / EWS કેટેગરીના ઉમેદવારો માટે અરજી ફી રૂ 100 છે. જ્યારે, SC/ST કેટેગરીના ઉમેદવારો માટેની અરજી સંપૂર્ણપણે મફત છે. ઉમેદવારો ડેબિટ કાર્ડ, ક્રેડિટ કાર્ડ, નેટ બેન્કિંગ દ્વારા પરીક્ષા ફી ચૂકવી શકે છે.
અરજી કરવા માટે ssc.nic.in પર જવું પડશે. આ પરીક્ષામાં પસંદ કરાયેલા ઉમેદવારોને લેવલ-6 હેઠળ દર મહિને રૂ. 35,400 થી રૂ. 1,12,400 સુધીના પગાર અને અન્ય ભથ્થાં આપવામાં આવશે.
અરજી કરવાની છેલ્લી તારીખ
અરજી કરવાની છેલ્લી તારીખ સપ્ટેમ્બર 2, 2022 છે. અરજી માટે ફીની ચુકવણી 3 સપ્ટેમ્બર 2022 સુધી કરી શકાશે. જો તમે તમારી અરજીમાં કોઈ ભૂલ કરો છો, તો તેને 4 સપ્ટેમ્બર, 2022 સુધી સુધારી શકાશે. સ્ટાફ સિલેક્શન કમિશન (SSC) નવેમ્બર 2022માં કમ્પ્યુટર આધારિત પરીક્ષાનું આયોજન કરશે.
ક્યાં મળશે નોકરી
આ ભરતીઓ કેન્દ્ર સરકારના ઘણા મંત્રાલયોમાં જુનિયર એન્જિનિયરની ખાલી જગ્યાઓ માટે કરવામાં આવી રહી છે. આ ભરતી પ્રક્રિયા દ્વારા, રક્ષા મંત્રાલય, સેન્ટ્રલ વોટર રિસર્ચ પાવર સ્ટેશન, સેન્ટ્રલ વોટર કમિશન અને અન્ય ઘણા વિભાગોમાં જુનિયર એન્જિનિયરોની ભરતી કરવામાં આવશે.
મંત્રાલયો અને વિભાગોમાં સિવિલ જુનિયર એન્જિનિયર, ઇલેક્ટ્રિકલ જુનિયર એન્જિનિયર, મિકેનિકલ જુનિયર એન્જિનિયર અને ક્વોન્ટિટી સર્વેઈંગ એન્ડ કોન્ટ્રાક્ટ્સ જુનિયર એન્જિનિયરની જગ્યાઓ ખાલી છે.