ગુજરાત / ધોરણ-10નું 66.97 ટકા પરિણામ જાહેર, સૌથી વધુ સુરતનું 79.63 ટકા પરિણામ

રાજ્યમાં આજે ધોરણ-10નું પરિણામ જાહેર કરાયું છે. ધોરણ-10નું  66.97 ટકા પરિણામ જાહેર કરાયું છે. જેમાં સૌથી વધુ સુરતનું 79.63 ટકા પરિણામ આવ્યું છે જ્યારે સૌથી ઓછું પરિણામ છોટા ઉદેપુર જિલ્લાનું 46.33 ટકા જાહેર કરાયું છે.

• વિદ્યાર્થીઓનું પરિણામ 62.83 ટકા, વિદ્યાર્થિનીઓનું 72.64 ટકા
• ગીર સોમનાથ જિલ્લાનું સુપાસી કેન્દ્રનું સૌથી વધુ 95.56 ટકા પરિણામ
• ધોરણ 10ની 366 શાળાઓનું 100 ટકા પરિણામ
• 995 શાળાઓનું પરિણામ 30 ટકા કરતાં પણ ઓછું
• ગુજરાતી માધ્યમના વિદ્યાર્થીઓનું 64.58 ટકા પરિણામ
• અંગ્રેજી માધ્યમનું 88.11 ટકા પરિણામ
• હિન્દી માધ્યમનું 72.66 ટકા પરિણામ
• 8,22, 823 વિદ્યાર્થીઓમાંથી 5,51,023 પરીક્ષાર્થીઓ થયા ઉતીર્ણ
• ધોરણ-10નું અમદાવાદનું 72.45 ટકા પરિણામ
• અમદાવાદ ગ્રામ્યનું 70.24 ટકા પરિણામ
• ગાંધીનગરનું 71.98 ટકા, રાજકોટનું 73.92 ટકા પરિણામ
• ધોરણ-10નું દમણનું 77.41 ટકા પરિણામ
• પોરબંદરનું 62.61 ટકા, જામનગરનું 70.61 ટકા પરિણામ જાહેર
• દેવભૂમિ દ્વારકાનું 70.61 ટકા પરિણામ
• જૂનાગઢનું 70.91, ગીર-સોમનાથનું 70.28 ટકા પરિણામ
   

જો કે વહેલી સવારે gseb.org વેબસાઇટ પર પરિણામ જાહેર કરી દેવામાં આવ્યું છે. વિદ્યાર્થીઓ બોર્ડની આ વેબસાઇટ પરથી પરિણામ જોઇ શકે છે. રાજ્યમાં કુલ 11 લાખ 59 હજાર વિદ્યાર્થીઓએ પરીક્ષા આપી હતી. વહેલી સવારે બોર્ડની વેબસાઈટ પર પરીણામ મુકવામાં આવ્યું છે.




ધોરણ - 10માં 7 લાખ 5 હજાર 465 વિદ્યાર્થીઓએ  પરીક્ષા આપી હતી. જયારે 4 લાખ 54 હજાર 297 વિદ્યાર્થીનીઓએ પરીક્ષા આપી હતી. ધોરણ - 10માં 6 હજાર 222 દિવ્યાંગ વિદ્યાર્થીઓએ પણ પરીક્ષા આપી હતી. સૌથી વધુ અમદાવાદ શહેર અને ગ્રામ્યમાં વિદ્યાર્થીઓ નોંધાયા હતાં. જેમાં ધો-10માં અમદાવાદ શહેર-ગ્રામ્યમાં 1 લાખ 23 હજાર 487 વિદ્યાર્થીઓ પરીક્ષા આપી હતી. ગત વર્ષે ધો.10નું 2018માં પરિણામ 67.50% રહ્યું હતું, જે 2017ની સરખામણીએ 0.74 ટકા ઓછું રહ્યું હતું.