સશસ્ત્ર સીમા બળ 399 જગ્યાઓ પર ભરતી કરશે. ભરતી માટે અરજી કરનાર ઉમેદવારની ઉંમર 23 વર્ષથી વધુ ન હોવી જોઈએ.
SSBમાં 399 જગ્યાઓ પર ભરતી
10 પાસ માટે નોકરીના સૌથી સારી તક
મળશે 69 હજાર સુધીનો પગાર
Sashastra Seema Bal (SSB) એ કોન્સ્ટેબલની જગ્યાઓ ભરવા માટે ઉમેદવારો પાસેથી અરજીઓ આમંત્રિત કરી છે. આ પદો માટે અરજી કરવા પાત્ર ઉમેદવારો SSB ની ઓફિશ્યલ સાઇટ ssbrectt.gov.in પર જઈને અરજી કરી શકે છે. આ પદો પર સ્પોર્ટ્સ ક્વોટા હેઠળ આ પોસ્ટ્સ પર ઉમેદવારોની પસંદગી કરવામાં આવશે. ઉમેદવારો નોટિફિકેશન જાહેર થયાની તારીખથી 30 દિવસની અંદર ભરતી માટે અરજી કરી શકે છે.
ખાલી જગ્યાઓ
આ ભરતી અભિયાનમાં સ્પોર્ટ્સ ક્વોટા હેઠળ કોન્સ્ટેબલની 399 જગ્યાઓ ભરવામાં આવશે.
શૈક્ષણિક લાયકાત
ભરતી માટે અરજી કરનાર ઉમેદવારે માન્યતા પ્રાપ્ત બોર્ડ અથવા સંસ્થામાંથી મેટ્રિક અથવા સમકક્ષ પૂર્ણ કરેલ હોવું જોઈએ. આ ઉપરાંત ઉમેદવારે સંબંધિત સ્પોર્ટ્સમાં સર્ટિફિકેટ પણ હાસિક કરેલું હોવું જરૂરી છે.
વય મર્યાદા
આ ભરતી માટે અરજી કરનાર ઉમેદવારની ઉંમર 18 વર્ષથી 23 વર્ષની વચ્ચે હોવી જોઈએ. જો કે અનામત વર્ગના ઉમેદવારોને સરકારી નિયમો મુજબ ઉપલી વય મર્યાદામાં છૂટછાટ આપવામાં આવશે.
અરજી ફી
ઉમેદવારોએ ભારતીય પોસ્ટલ ઓર્ડર અને ડિમાન્ડ ડ્રાફ્ટ દ્વારા ફી તરીકે રૂ.100 ચૂકવવાના રહેશે. જો કે, SC/ST અને મહિલા ઉમેદવારોને ફીની ચુકવણીમાંથી મુક્તિ આપવામાં આવી છે.
હેલ્પલાઇન નંબર
ભરતી અભિયાન સંબંધિત વધુ માહિતી માટે, ઉમેદવારો હેલ્પલાઈન નંબર 011-26193929 અને 09868207689 પર સંપર્ક કરી શકે છે.