બાહુબલી જેવી મોંઘી ફિલ્મ બનાવનાર એસએસ રાજામૌલી હવે પોતાની આગળની ફિલ્મ 'RRR' પર કામ કરી રહ્યા છે. જાણવા મળી રહ્યું છે કે રાજામૌલી આ ફિલ્મમાં રામ ચરણ અને જૂનિયર એનટીઆરની ઉપર એક એક્શન સીન ફિલ્માવશે જેની કિંમત 45 કરોડ રૂપિયા હશે.
'બાહુબલી' ડાયરેક્ટર એસએસ રાજમૌલીની આવનારી ફિલ્મ 'RRR' આ સમયે ખૂબ જ ચર્ચામાં છે. આ ફિલ્મ પોતાની સ્ટાર કાસ્ટના કારણે પણ ચર્ચામાં છે. એમાં રામ ચરણ, જૂનિયર એનટીઆર, આલિયા ભટ્ટ અને અજય દેવગણ જેવા મોટા સ્ટાર્સ કામ કરી રહ્યા છે . આ ફિલ્મ આવતા વર્ષે રિલીઝ થષે અને હવે આ ફિલ્મ બીજા એક કારણથી ચર્ચામાં છે.
તાજેતરના એક રિપોર્ટનું માનીએ તો રાજામૌલી જલ્દી આ ફિલ્મ માટે એક એક્શન સીક્વેન્સ ફિલ્માવવા જઇ રહ્યા છે. રામ ચરણ અને જૂનિયર એનટીઆરના આ સીનની કિંમત 45 કરોડ જણાવવામાં આવી રહી છે. આ સીનમાં 2000 અન્ય લોકો પણ સામેલ હશે.
જો કે આ ફિલ્મ એ કારણથી પણ ખાસ ચર્ચામાં છે કે આ પીરિયૉડિક એક્શન ડ્રામા સમગ્ર દુનિયામાં 10 થી વધારે ભાષાઓમાં રિલીઝ કરવામાં આવશે. આ ફિલ્મ આવતા વર્ષે 30 જુલાઇએ વર્લ્ડવાઇડ રિલીઝ કરવામાં આવશે.