વડોદરામાં SRP જવાને રિક્ષા ચાલકને જાહેરમાં ફટકાર્યો. આ વીડિયો સોશિયલ મીડિયામાં વાયરલ થયો છે. રિક્ષા ચાલકે અને કાર વચ્ચે સામાન્ય ટક્કર થતાં કારમાં સવાર SRP જવાને વર્દીનો રૌફ જમાવ્યો. અને રિક્ષા ચાલકને જાહેરમાં માર માર્યો. SRP જવાનને વર્દીનો તો એટલો રૌફ હતો કે તેને રિક્ષા ચાલકને માર મારીને તેને જે કરવું હોય તે કરવાની ધમકી પણ આપી. શહેરના સુશેન સર્કલ પાસે આ અકસ્માત થયો હતો. તો પોલીસ જવાનની માથાકૂટના કારણે ટ્રાફિક જામ થઈ ગયો હતો. તો ટ્રાફિક પોલીસ પણ અહીં આવી પણ કોઈ જ કાર્યવાહી કરવાના સ્થાને પોલીસ જવાનને સાથ આપતો નજરે પડ્યો. આ મામલે રિક્ષા ચાલકે મકરપુરા પોલીસ સ્ટેશનમાં ફરિયાદ નોંધાવી છે.