ઉદારતા / ચણા વેચનારનાં ઘરમાં થઈ ચોરી તો SSP એ કર્યું એવું કામ કે લોકો કરી રહ્યા છે વાહવાહી, જાણો રોચક કિસ્સો

• શ્રીનગરમાં એક વૃદ્ધ ચણા વેચનારના ઘરમાં ચોરી થઈ
• ચોરી કરવા આવેલા લૂંટારૂઓએ જીવનભરની બચત લૂંટી લીધી
• પોલીસ અધિકારીએ વૃદ્ધને પોતાના ખિસ્સામાંથી 1 લાખ રૂપિયા આપ્યાં

લૂંટારૂઓએ વૃદ્ધની જીવનભરની બચત લૂંટી લીધી

શ્રીનગરના બોહરી કદલ વિસ્તારમાં ચણા વેચનારા 90 વર્ષીય અબ્દુલ રહેમાન પાસેથી શનિવારે લૂંટારાઓએ તેની ઘરની બચત લૂંટી લીધી. વૃદ્ધે પોતાના અંતિમ સંસ્કાર માટે પૈસા મુક્યા હતા. એકલા રહેનારા રહેમાને 1 લાખ રૂપિયા પોતાની પાસે રાખ્યા હતા. કારણકે તેમને ડર લાગતો હતો કે પૈસા ખોવાઈ ના જાય. ગયા અઠવાડિયે લૂંટારાઓએ તેમની સાથે મારામારી કરી આખા જીવનની બચત લૂંટી લીધી હતી. રહેમાન પોતાની આપવીતી જણાવતો હોય તેવો એક વીડિયો કાશ્મીરમાં વાયરલ થઇ રહ્યો છે. જે સંદર્ભે વરિષ્ઠ પોલીસ અધિકારી સંદીપ ચૌધરીનું ધ્યાન ગયુ. રહેમાનની કહાનીથી પ્રભાવિત થઇને ચૌધરીએ તેમની મદદ કરવાનો નિર્ણય કર્યો. એસએસપીએ અબ્દુલ રહેમાનને પોતાના ખિસ્સામાંથી એક લાખ રૂપિયા આપ્યાં. જેને કારણે ચણા વેચનારના ચહેરા પર હાસ્ય છવાઈ ગયુ.

Appreciative decision by Srinagar police & @Sandeep_IPS_JKP towards the old aged Channa seller to assist him with the money of one lakh that was looted from his home. Abdul Rehman had saved the laborious money for his last rites; he sells snacks and lives all alone!

Salute sir pic.twitter.com/FL0tXvoUWB

— Parvaiz Ahmad Qadri (@Parvaiz_Qadri) November 14, 2021

લોકોએ પોલીસ અધિકારીની ઉદારતાના વખાણ કર્યા

ડેપ્યુટી મેયર અહમદ કાદરીએ કહ્યું, શ્રીનગર પોલીસ અને @Sandeep_IPS_JKP દ્વારા વૃદ્ધ ચણા વેચનાર માટે તેમના ઘરમાંથી લૂંટાયેલા એક લાખ રૂપિયાની સાથે તેમની મદદ કરવા માટે સરાહનીય નિર્ણય. અબ્દુલ રહેમાને પોતાની અંતિમ યાત્રા માટે પૈસા બચાવ્યા હતા. તેઓ નાશ્તો વેચે છે અને એકલા રહે છે ! સલામ સર. સ્થાનિક પોલીસે પ્રાથમિક ફરિયાદ નોંધી છે અને લૂંટારૂઓને પકડવા માટે તપાસ કરવામાં આવી રહી છે. લોકોએ રહેમાન માટે ચૌધરીની ઉદારતાના વખાણ કર્યા છે.