વિવાદ / હોટલની રૂમમાં ક્રિકેટર મહિલા અધિકારી સાથે ઝડપાયો હોવાનો દાવો, જુઓ શું થઈ કાર્યવાહી?

• શ્રીલંકા ક્રિકેટ આવી વિવાદોનાં ઘેરામાં 
• શ્રીલંકાના યુવા ખેલાડી પર હોટલમાં એક મહિલા અધિકારી સાથે હોવાનો આરોપ
• કોચે કહ્યું આ ઘટના શક્ય જ નથી બધા ખેલાડીઓ બાયો બબલમાં રહે છે

નેશનલ ટીમનાં મેનેજર પાસેથી આરોપો અંગેની રિપોર્ટ માંગી

શ્રીલંકા ક્રિકેટે તેની નેશનલ ટીમનાં મેનેજર યુવા ક્રિકેટર અને મેડિકલ સ્ટાફની મહિલા સભ્યનાં યૌન શોષણનાં આરોપો અંગેની રિપોર્ટ માંગી છે. આ ઘટનાથી શ્રીલંકા ક્રિકેટ વિવાદોનાં ઘેરામાં આવી છે. સ્થાનીય મીડિયા રિપોર્ટ અનુસાર શ્રીલંકાનો એક યુવા સ્પિન બોલર ઓલરાઉન્ડર ખેલાડી હોટલનાં એક રૃમમાં મહિલા અધિકારી સાથે જોવા મળ્યો હતો.

આવી કોઈ ઘટનાની રિપોર્ટ નથી આવી : શ્રીલંકા ક્રિકેટ

શ્રીલંકા ક્રિકેટ દ્વારા કહેવામાં આવ્યું છે કે ઈંગ્લેન્ડ સામે રમાઇ રહેલી ટેસ્ટ સિરીઝનાં ટીમ મેમ્બરે મેડિકલ સ્ટાફની મહિલા સાથે કોઈ અનિચ્છનિય હરકત કરી હોય તેવી તેમની પાસે એવી કોઈ રિપોર્ટ નથી આવી. શ્રીલંકા ક્રિકેટે એક નિવેદનમાં કહ્યું છે કે, આ ઘટનાની ગંભીરતાને સમજતા અમે ટીમ મેનેજર અસાંથા ડિમેલને આ ઘટનાની રિપોર્ટ આપવા કહ્યું છે, જેથી મીડિયા રિપોર્ટની સત્યતાની પુષ્ટી થઈ શકશે.

કોચે કહ્યું આવી કોઈ ઘટના શક્ય નથી બધા પ્લેયર્સ બાયો બબલમાં રહી રહ્યાં છે

શ્રીલંકા અને ઈંગ્લેન્ડ વચ્ચે બીજી ટેસ્ટ મેચ શુક્રવારે ગોલમાં શરૃ થશે. ટીમનાં કોચ મીકી આર્થરે બુધવારે કહ્યું હતું કે "આ પ્રકારની કોઈ ઘટના શક્ય નથી કેમકે દરેક ખેલાડી બાયો બબલમાં રહી રહ્યાં છે." જે ખેલાડી પર આરોપો લગાઈ રહ્યાં છે તે પહેલી ટેસ્ટ મેચમાં ટીમનો ભાગ હતો. તે મેચ શ્રીલંકા 7 વિકેટે હારી ગઈ હતી.