મોંઘવારી / ભારતનાં આ પાડોશી દેશમાં સોનાથી પણ વધારે મુશ્કેલ દૂધ ખરીદવું, બ્રેડ પણ એટલી મોંઘી કે જીવવું અઘરું થઈ ગયું

• શ્રીલંકામાં મોટાપાયે ખાદ્યસંકટ 
• બ્રેડ કે દૂધ પણ સામાન્ય માણસને નથી મળતા 
• રાંધણ ગેસની અછતના કારણે ધંધા ઉદ્યોગ બંધ થવાના આરે 

શ્રીલંકાનું ખાદ્ય સંકટ એટલું ગંભીર સ્તરે પહોંચી ગયું છે કે સોનું ખરીદવા કરતાં પણ વધારે મુશ્કેલ દૂધ ખરીદવું થઈ ગયું છે. 

54 વર્ષની શામલા લક્ષ્મણ દૂધ શોધવા માટે રાજધાની કોલમ્બોની સડક પર મોડી રાત્રે દુકાનથી દુકાન એટલી ભટકતી રહી કે તેને એક દૂધનું પેકેટ મળી જાય પણ તેને દૂધ મળ્યું ન્હોતું. તેની દિવસે અને સવારે પણ દૂધ શોધવા માટે ભટકે છે પણ સાત લોકોના તેણીના પરિવારનું પેટ ભરાય એટલું દૂધ તેને મળી શકતું નથી. 

એક અખબાર સાથેની વાતચીતમાં તેણે કહ્યું હતું કે આજકાલ કોઈ પણ દુકાન પર દૂધ મળવું અશક્ય બની ગયું છે. જો તમનેપોટને કોઈ દુકાન પર દૂધ દેખાય જાય તો તે એટલું બધુ મોંઘું હશે કે તમે ખરીદી જ નહીં શકો. 

ચિકન તો બની ગયું લકઝરી 
ચિકન એમ તો શ્રીલંકામાં ખાવા પીવાનો  મહત્વનો ભાગ છે પણ હવે તેની કિંમત એટલી બધી વધી ગઈ છે કે સામાન્ય માણસોની થાળીમાંથી તો હવે ચિકન ગાયબ જ થઈ ગયું છે. ચિકનની કિંમત લગભગ બમણી થઈ ગઈ છે. અને રોજેરોજ લોકોને ડર લાગે છે કે હવે તેઓ તેમના પરિવારને ખવડાવશે શું?

ચીન સહિતના દેશોના દેવાં હેઠળ શ્રીલંકા

શ્રીલંકા હાલ એક ખરાબ આર્થિક સંકટનો સામનો કરી રહ્યું છે. દેશના વિદેશી ચલણના ભંડાર પણ ખાલી થઈ ગાયા છે અને ચીન સહિત અનેક્ દેશોના દેવાં હેઠળ દબાયેલા શ્રીલંકાને હવે દેવાળું ફૂંકવાની સ્થિતિ આવી ગઈ છે. 

જાન્યુઆરી મહિનામાં ફોરેન કરન્સી 70 ટકા ઘટીને 2.36 અબજ ડોલર્સ થઈ ગયું હતું જેના કારણે વિદેશી ચલણની અછતના કારણે શ્રીલંકા હવે દવા, ઈંધણ, ભોજન વગેરે સમાન વિદેશથી આયાત કરી શકતું નથી. 

ગેસની કમીના કારણે મોટી સમસ્યા 

• શ્રીલંકામાં ગેસની કમીના કારણે હજાર બેકરીઓ બંધ કરવી પડી છે. 
• દેશમાં ઈંધણની સમસ્યાના કારણે ઘણા યંત્રો પણ બંધ કરવા પડ્યા છે અને તેના કારણે વીજળી કાપ પણ ભોગવવો પડે છે. વીજળીમાં દિવસમાં સાત કલાકથી વધારે તો કાપ જ હોય છે. 
• બ્રેડની કિંમત 150 શ્રીલંકન રૂપિયા થઈ ગઈ છે. 
• શાકભાજી સહિતની જીવન જરૂરી ચીજોના ભાવ સાતમાં આસમાને પહોંચી ગયા છે. 
• રેસ્ટોરન્ટ સહિતના ધંધાઓ બંધ થવાના આરે આવી ગયા છે. 
• સ્કૂલ બસ જેવા પરિવહનના સાધનો બંધ કરવા પડ્યા છે જેના કારણે સ્થિતિ વધારે ખરાબ થઈ ગઇ છે.