અકસ્માત / આ સ્ટાર ક્રિકેટરની કારની ટક્કરથી વૃદ્ધનું થયું મોત, થઈ ધરપકડ

• કુસલ મેંડિસની કારી ટક્કરથી વૃદ્ધનુ મોત
• સાઇકલ લઇને જતા વૃદ્ધને મારી ટક્કર
• મેંડિસને જલ્દી જ કોર્ટમાં રજૂ કરવામાં આવશે

કુસલ મેંડિસની રવિવારે પોલિસે ધરપકડ કરી છે કારણકે શ્રીલંકાના આ સ્ટાર ક્રિકેટરની ગાડીની ટક્કરથી 74 વર્ષિય એક વૃદ્ધનું મોત થયું છે. પોલિસના રિપોર્ટ પ્રમાણે જલ્દી જ તેને કોર્ટમાં રજૂ કરવામાં આવશે.

કોર્ટમાં કરાશે હાજર

આ એક્સિડેન્ટ સવારે 5:30 વાગે પૂંડાસામાં થયુ, જેમાં સાઇકલ પર જઇ રહેલા 74 વર્ષિય વૃદ્ધને મેંડિસની કારે ટક્કર મારી દીધી. ટક્કરના થોડા સમય બાદ જ વૃદ્ધનું મોત નિપજ્યું હતું.

શ્રીલંકાની ટીમમાં મહત્વનો મેંડિસ

મેંડિસ શ્રીલંકા માટે 44 ટેસ્ટ અને 76 વન ડે રમી ચૂક્યો છે. લૉકડાઉન પહેલા રમાટેલી ઇંગ્લેન્ડ વિરુદ્ધની મેચમાં પણ તે શ્રીલંકા માટે મહત્વનો પ્લેયર હતો. કોરોના વાયરસને કારણે ટુર્નામેન્ટ રદ્દ કરી દેવામાં આવી હતી. હવે આ ઘટના બાદ મેંડિસ ટીમમાં પાછો ફરે છે કે નહી તે જોવું રહ્યું.