સિરિયલ બ્લાસ્ટ / 207નાં મોત ને 450 ઘાયલથી હલબલી ઉઠ્યું શ્રીલંકા, 7ની ધરપકડ

તમને વધુમાં જણાવી દઇએ કે સુરક્ષાને ધ્યાને રાખીને શ્રીલંકામાં 22 અને 23 એપ્રિલનાં રોજ રજા જાહેર કરી દેવામાં આવી છે. ત્યારે રાત્રીની પણ તમામ ટ્રેનો રદ કરી દેવામાં આવી છે. એક ખાનગી સમાચાર એજન્સી અનુસાર હુમલામાં મૃતકોની સંખ્યા વધીને 207 સુધી પહોંચી ગઇ છે અને 450 જેટલાં લોકો ઘાયલ થયાં છે. આશંકા દર્શાવાઇ રહી છે કે સંખ્યામાં હાલમાં હજી પણ સતત વધારો થઇ શકે છે. આ મામલે સાત લોકોની ધરપકડ પણ કરવામાં આવી છે.
   

#UPDATE AFP News Agency quoting police: Eighth blast hits Sri Lankan capital. https://t.co/MabzUBcVcU

— ANI (@ANI) April 21, 2019

ઉલ્લેખનીય છે કે શ્રીલંકાની રાજધાની કોલંબો સહિત દેશનાં અન્ય ભાગમાં સિરીયલ બ્લાસ્ટ થયાં. જેમાં મળતી માહિતી મુજબ 5 ચર્ચ અને 3 હોટલમાં બ્લાસ્ટ થયો હોવાનાં સમાચાર સામે આવ્યાં હતાં. એક બ્લાસ્ટ કોલંબો પોર્ટનાં કોચીકડે ચર્ચમાં થયો અને બીજો હુમલો પુત્તલમ પાસે સેંટ સબૈસ્ટિયન ચર્ચમાં થયો. આ હુમલામાં અનેક લોકો ઘાયલ થયાં અને કેટલાંક લોકોનાં મોત પણ નિપજ્યાં. આ મામલે સ્થાનિક પોલીસનું એમ માનવું છે કે, એક વિસ્ફોટ બટ્ટીકલાઓનાં ચર્ચમાં થયો હતો.
 

આ વિસ્ફોટને પગલે અનેક લોકોએ જીવ ગુમાવ્યાં કે જેમાં કેટલાંક વિદેશી પર્યટકો પણ સામેલ હોવાનું ખુલવા પામેલ છે. ઉલ્લેખનીય છે કે, ચર્ચમાં થયેલ આ બોમ્બ બ્લાસ્ટમાં 80થી વધારે લોકો ઘાયલ થયાં છે જો કે, બની શકે છે હજી પણ આ સંખ્યામાં વધારો થવાની શક્યતા છે.
 

AFP news agency: Sri Lanka Defence Minister orders night curfew after blasts. #SriLankaBlasts pic.twitter.com/dSngLbyTFu

— ANI (@ANI) April 21, 2019

વિભિન્ન હોસ્પિટલો દ્વારા મેળવેલ આંકડાઓ અનુસાર, નેશનલ હોસ્પિટલમાં 46 લોકોનાં મોત થઇ ચૂક્યાં છે. ત્યારે કલુબોવિલા હોસ્પિટલમાં 17 ઘાયલ લોકો ભરતી છે. નેગોમ્બા હોસ્પિટલમાં 74 લોકોનાં મોત થઇ ચૂક્યાં છે જ્યારે 113 ઘાયલોની સારવાર ચાલી રહેલ છે. ત્યારે રાગમા હોસ્પિટલોમાં 7 લોકોનાં માર્યા જવાનાં સમાચાર છે. જ્યારે 30 ઘાયલોની સારવાર ચાલી રહેલ છે. આ બ્લાસ્ટમાં કાટાના ચર્ચમાં 31 લોકોનાં મોત નિપજ્યાં છે જ્યારે બાટ્ટિકાલોઆમાં 27નાં મોત અને 80 લોકો ઘાયલ થયાં છે. શ્રીલંકાઇ અધિકારીઓને હવાલે બ્લાસ્ટમાં 52 લોકોને માર્યા જવાની પુષ્ટિ કરવામાં આવી છે.