મજાની ઘટના / શ્રીલંકામાં વિરોધ પ્રદર્શનની વચ્ચે કપલની કિસ કરતી તસવીર વાયરલ, હજારો લોકો જોતા જ રહી ગયા

• શ્રીલંકામાં સરકાર વિરોધી દેખાવ દરમિયાન કપલનો રોમાન્સ આવ્યો સામે
• એક કપલે ઊંચે ચડીને એકબીજાને કિસ કરી
• નીચે હજારો લોકો જોતા જ રહી ગયા 

શ્રીલંકામાં ભારેખમ સમયની વચ્ચે એક હળવાશભરી ઘટના બની હતી. હજારો લોકો સરકાર વિરોધી દેખાવમાં ભાગ લઈ રહ્યાં છે તેમાં એક કપલે પણ ભાગ લીધો પરંતુ આવી વિસ્ફોટક સ્થિતિની વચ્ચે પણ કપલ રોમાન્સ કરવાનું ન ભૂલ્યું અને હજારો લોકોની હાજરીમા ઊંચે જઈને રોમાન્સ કરવા લાગ્યું હતું. આ કપલનો કિસ કરતો એક ફોટો વાયરલ થયો છે.

કપલે ઊંચી જગ્યાએ જઈને એકબીજાને કિસ કરી 
હકીકતમાં રાષ્ટ્રપતિ ગોતાબાયા રાજપક્ષે દેશ છોડીને ભાગી ગયા બાદ પ્રદર્શનકારીઓએ વડાપ્રધાન રાનિલ વિક્રમસિંઘેની ઓફિસ પર હુમલો કર્યો હતો. પ્રદર્શનકારીઓની ભીડે પીએમ કાર્યાલય પર કબજો કરી લીધો હતો. આ બધાની વચ્ચે એક કપલ રોમાન્સ કરી રહ્યું હોય તેવું લાગી રહ્યું છે. તે બંને ઉંચી જગ્યાએ ઉભા રહીને કિસ કરતા નજરે પડે છે અને નીચે હજારો લોકોની ભીડ જોવા મળે છે.

Couple goals!

A couple was seen displaying affection after participating in anti-government protests that led to the taking over of the Prime Minister's office in Colombo. pic.twitter.com/mpPG1y2fvD

— NewsWire 🇱🇰 (@NewsWireLK) July 13, 2022

ઘણા લોકોએ કપલને કર્યું ટ્રોલ 
તસવીર વાયરલ થયા બાદ ઘણા લોકો કપલને ટ્રોલ કરતા પણ જોવા મળ્યા હતા. એક યુઝરે લખ્યું - લાઇમલાઇટ માટે પબ્લિક કિસ કરવામાં આવી છે. બીજાએ લખ્યું હતું - ધ્યાન ખેંચનારા. રાજુ શ્રીવાસ્તવનું મીમ પણ ઘણા લોકો શેર કરી રહ્યા છે. તેમાં લખ્યું છે- હા, પહેલા કરો.

કેનેડામાં તોફાનો વખતે કપલનો કિસ કરતો ફોટો ફેમસ થયો હતો 
રમખાણો દરમિયાન કેનેડાના વાનકુંવરમાં આ કપલનો કિસ કરતો ફોટો દુનિયાભરમાં ફેમસ રહ્યો છે. 15મી જુન, 2011ના રોજ વાનકુવર કેન્ક્સ નેશનલ હોકી લીગની સ્ટેનલી કપ ફાઈનલ્સની સાતમી મેચમાં હારીને બહાર ફેંકાઈ હતી. તેના થોડા સમય બાદ જ શહેરમાં તોફાનો ફાટી નીકળ્યાં હતાં. આ દરમિયાન એક કપલ ટીયર ગેસના સેલ વચ્ચે રસ્તા પર સુઇને કિસ કરી રહ્યું હતું અને પોલીસના વાહનો સળગાવી રહ્યા હતા. આ ફોટોએ આખી દુનિયામાં ઘણી હેડલાઇન્સ બનાવી હતી.