આર્થિક સંકટ સામે ઝઝૂમી રહેલા શ્રીલંકામાં ફરી એક વાર પેટ્રોલ અને ડીઝલની કિંમતોમાં ભડકો જોવા મળી રહ્યો છે.
શ્રીલંકામાં થયું પાયમાલ
આર્થિક સંકટ સામે ઝઝૂમી રહ્યો છે દેશ
પેટ્રોલ અને ડીઝલના ભાવ આસમાને
આર્થિક સંકટ સામે ઝઝૂમી રહેલા શ્રીલંકામાં ફરી એક વાર પેટ્રોલ અને ડીઝલની કિંમતોમાં ભડકો જોવા મળી રહ્યો છે. મંગળવારે પેટ્રોલના ભાવમાં 24.3 ટકા અને ડીઝલના ભાવમાં 38.4 ટકાનો ભારે વધારો જોવા મળ્યો છે. શ્રીલંકા વિદેશ મુદ્રા ભંડારની કમીના કારણે ભીષણ આર્થિક સંકટનો સામનો કરી રહ્યું છે. આ જ કારણ છે કે, પેટ્રોલિયમ ઉત્પાદનોમાં આટલો વધારો જોવા મળ્યો છે. દેશમાં પેટ્રોલની કિંમતમાં 82 રૂપિયા અને ડીઝલની કિંમતમાં 111 રૂપિયાનો વધારો કરવામાં આવ્યો છે. આ વધારા બાદ દેસમાં પેટ્રોલની કિંમત 420 રૂપિયા પ્રતિ લિટર અને ડીઝલની કિંમત 400 રૂપિયા પ્રતિ લિટરે પહોંચી ગઈ છે. જો કે, તેમ છતાં પણ ભારત કરતા ત્યાં પેટ્રોલ અને ડીઝલ સસ્તુ છે.
જો કે, ભારત કરતા થોડુ સસ્તુ
ભારતીય કરન્સીના હિસાબે શ્રીલંકામાં પેટ્રોલની કિંમત 90.57 રૂપિયા અને ડીઝલની કિંમત 86.51 રૂપિયા પ્રતિ લિટર છે. તો વળી દિલ્હીમાં પેટ્રોલની કિંમત 96.72 રૂપિયા અને ડીઝલની કિંમત 89.62 રૂપિયા છે. એક ભારતીય રૂપિયાની કિમત શ્રીલંકાના 4.64 રૂપિયા બરાબર છે. શ્રીલંકામાં 19 એપ્રિલ બાદ તેલની કિંમતોમાં આ બીજી વાર વધારો આવ્યો છે. તેની સાથે જ સૌથી વધારે ઉપયોગમાં લેવાતા ઓક્ટેન 92 પેટ્રોલના કિંમત 420 રૂપિયા (1.17 ડોલર) પ્રતિ લિટર અને ડીઝલની કિંમત 400 રૂપિયા (1.11 ડોલર) પ્રતિ લિટર હશે, જે અત્યાર સુધીના સૌથી ઉંચ્ચ ભાવ છે.
IOCએ વધાર્યા ભાવ
ભારતની મુખ્ય તેલ કંપની ઈંડિયન ઓયલ કોર્પોરેશનની શ્રીલંકાઈ સહાયક કંપની લંકા આઈઓસીએ ઈંધણાની છુટક કિંમતોમાં વધારો કર્યો છે. એલઆઈઓસીના સીઈઓ મનોજ ગુપ્તાએ કહ્યું કે, અમે સિલોન પેટ્રોલિયમ કોર્પોરેશનની બરાબરી કરવા માટે કિંમતો વધારી છે. સીપીસી શ્રીલંકામાં સાર્વજનિક ક્ષેત્રની તેલ કંપની છે.
શ્રીલંકાનો વિદેશ મુદ્રા ભંડાર સંપૂર્ણપણે ખતમ થઈ ચુક્યો છે. તેનાથી દેશમાં ખાવા પીવાની વસ્તુઓ અને પેટ્રોલ તથા ડીઝલ અને દવાની ભારે તંગી સર્જાઈ છે. શ્રીલંકામાં ગત અઠવાડીયે વિદેશી દેવાની લોનની ચુકવણી માટે ડિફોલ્ટ કર્યા હતા. કોલંબો સ્ટોક એક્સચેંજે બજારમાં ભારે પછડાટની આશંકા જોતા પાંચ દિવસ સુધી ટ્રેડિંગ રોકવાની ઘોષણા કરી હતી.