ઓસ્ટ્રેલિયન ટીમે મુશ્કેલ સમયમાં શ્રીલંકાનો પ્રવાસ કર્યો. વન-ડે સીરીઝ પૂર્ણ થયા બાદ શ્રીલંકાના પ્રશંસકોએ ઓસ્ટ્રેલિયન ટીમનો આભાર વ્યક્ત કર્યો છે. જેનો વીડિયો સોશિયલ મીડિયામાં વાયરલ થયો છે.
શ્રીલંકાના પ્રશંસકોએ ઓસ્ટ્રેલિયન ટીમનો આભાર વ્યક્ત કર્યો
શ્રીલંકા અત્યારે આર્થિક અને રાજકીય સંકટથી ઝઝૂમી રહ્યું છે, શ્રીલંકાના નાગરિકોને એક-એક દિવસ કાઢવો ભારે પડી રહ્યો છે. આ દરમ્યાન ઓસ્ટ્રેલિયન ક્રિકેટ ટીમે શ્રીલંકાનો પ્રવાસ કર્યો અને આખી શ્રેણી રમી. ઓસ્ટ્રેલિયા-શ્રીલંકાની વચ્ચે જ્યારે શ્રેણીની અંતિમ વન-ડે રમાઈ ત્યારબાદ સ્ટેડિયમમાં જે નજારો જોવા મળ્યો તે ખરેખર વખાણવાલાયક છે. કોલંબોના સ્ટેડિયમમાં હજારો લોકોએ ઓસ્ટ્રેલિયાનો આભાર માન્યો છે. આખુ સ્ટેડિયમ ઓસ્ટ્રેલિયા-ઓસ્ટ્રેલિયાથી ગુંજી રહ્યું હતુ. ઓસ્ટ્રેલિયન ક્રિકેટ તરફથી એક વીડિયોને ટ્વિટ કરવામાં આવ્યો છે, જેમાં ક્રાઉડ ઓસ્ટ્રેલિયાને સ્પેશિયલ રીતે આભાર વ્યક્ત કરી રહ્યું છે.
"We're generally the enemy" 😅
The scenes in Colombo after the fifth ODI were unreal and left Glenn Maxwell and the Aussies stunned as fans thanked them for touring 🥰 #SLvAUSpic.twitter.com/Xugt5KVmyX
પ્રશંસકોનો સ્પેશિયલ પ્રેમ જોઈને ગ્લેન મેક્સવેલ ઈમોશનલ થયો
શ્રીલંકાના પ્રશંસકોનું આવુ રિએક્શન જોઈને ઓસ્ટ્રેલિયાના ખેલાડી પણ હેરાન થયા. ગ્લેન મેક્સવેલ પ્રશંસકોનો આવો પ્રેમ જોઈને લાગણીશીલ થયા. તેમણે કહ્યું કે આ ખૂબ અસામાન્ય હતુ. હું મારા સાથી ખેલાડીઓ સાથે વાતચીત કરી રહ્યો હતો કે આ આપણા માટે કેટલી સ્પેશિયલ ફીલિંગ છે, આપણે જે રીતે ગ્રાઉન્ડનું ચક્કર કાપ્યું. ગ્લેન મેક્સવેલે કહ્યું કે વિદેશમાં તમારા માટે પ્રશંસકો ચિયર કરી રહ્યાં છે, આ સ્પેશિયલ છે. કારણકે ઘણી વખત એવુ થાય છે, જ્યારે ઓસ્ટ્રેલિયાની ટીમ ટૂર પર આવે છે, તો અમે બધાના દુશ્મન હોય છે. જ્યાં ઓસ્ટ્રેલિયાના પ્રશંસકો પણ નહીં, પરંતુ અમને જે સપોર્ટ મળે છે તે સ્પેશિયલ છે.