અર્થવ્યવસ્થા / આ પડોશી દેશ કંગાળ થવાના આરે, બચ્યું માત્ર 3 મહિના ચાલે એટલું નાણાં ભંડોળ

• દેશનું અર્થતંત્ર પડી ભાંગ્યું
• શ્રીલંકામાં વિદેશી ભંડોળ ઓછું થયું 
• અમેરિકન ડોલરની લેણદેણ પર અંકુશ

દેશનું અર્થતંત્ર પડી ભાંગ્યું 
શ્રીલંકા પહેલેથી જ આર્થિક રીતે મુશ્કેલીમાં છે. પરંતુ કોરોના મહામારીના કારણે પર્યટન ઉદ્યોગને ઘણું નુક્શાન થયું છે અને તેના કારણે ઘણી ચિંતા વધી ગઈ છે. પર્યટનને કારણે શ્રીલંકામાં ઘણો બધો આથિક ફાયદો થાય છે. સાથે જ દેશના 30 લાખ લોકોને રોજગાર પણ આપે છે અને GDPમાં તેની 5 ટકા ભાગીદારી પણ છે. 

શ્રીલંકામાં વિદેશી ભંડોળ ઓછું થયું 
મુખ્યત્વે, શ્રીલંકામાં વિદેશી ભંડોળ ઓછું થતાં કૃષિ રસાયણો, કાર અને પોતાના મુખ્ય મસાલા હળદરની આયાતમાં પણ ઘટાડો કર્યો છે. PTI ના રિપોર્ટ મુજબ કોરોનામાંથી બહાર આવવા માટે શ્રીલંકા પોતાનું દેવું ચૂકવવા માટે હાલ સંઘર્ષ કરી રહ્યું છે. વેપારમાં થતાં નુકશાનને ઘટાડવા માટે ટૂથબ્રશ, સ્ટ્રોબેરી, સિરકા, અને ચીની સામાન પર પ્રતિબંધ લાગુ પાડવામાં આવ્યો છે. સાથે જ વિશેષ લાયસન્સ પણ લેવું પડશે. વિદેશી સામાનો પર પ્રતિબંધ લાગુ પાડતા શ્રીલંકામાં વેપારીઓએ ચીજ વસ્તુઓના ભાવ ઘણા વધારી દીધા છે. અને આ કારણે છેલ્લા કેટલાક દિવસથી ત્યાં વિરોધ પ્રદર્શન કરવામાં આવી રહ્યું છે.

અમેરિકન ડોલરની લેણદેણ પર અંકુશ
હાલમાં શ્રીલંકામાં વિદેશી ભંડોળમાં માત્ર ત્રણ મહિનાનો સામાન આયાત કરી શકે તેટલું જ ભંડોળ પડ્યું છે. વધુ માત્રામાં દેવું લંબાવવામાં આવી રહ્યું છે. જેનાં કારણે શ્રીલંકાની નાંણાંકીય પ્રણાલીને પણ ઘણી અસર થઈ રહી છે. સાથે જ તેમની પાસે પૂરતું તેલ આયત કરવા માટે પણ ભંડોળ ઓછું છે. દેવું સંતુલન કરવા માટે સરકારે અમેરિકન ડોલરની લેણદેણને પણ સીમિત કરી દીધી છે.