શ્રીલંકામાં લોકો પેટ્રોલ-ડીઝલથી લઈને ખાવા પીવાની વસ્તુઓેને લઈને હાથમાં ઝંડા લઈને, બેનર તથા પોસ્ટર લઈને રસ્તાઓ પર નિકળી પડ્યા છે. સચિવાલય સામે સતત પ્રદર્શનો થઈ રહ્યા છે.
શ્રીલંકામાં આર્થિક કટોકટી
જીવનજરૂરિયાત વસ્તુઓના ભાવો આસમાને પહોંચ્યા
વિરોધ કરવા રસ્તા પર ઉતરી આવ્યા લોકો
શ્રીલંકામાં આર્થિક સંકટની વચ્ચે સરકાર પર પ્રેશર વધતું જાય છે. વિરોધ પ્રદર્શન દરરોજ ઉગ્ર બની રહ્યું છે. પ્રદર્શનનું સૌથી મોટુ પોઈન્ટ રાજધાની કોલંબોમાં જ બન્યું છે. જ્યાં સામાન્ય લોકો પેટ્રોલ-ડીઝલથી લઈને ખાવા પીવાની વસ્તુઓેને લઈને હાથમાં ઝંડા લઈને, બેનર તથા પોસ્ટર લઈને રસ્તાઓ પર નિકળી પડ્યા છે. સચિવાલય સામે સતત પ્રદર્શનો થઈ રહ્યા છે.
સરકાર વિરુદ્ધ અવિશ્વાસ પ્રસ્તાવ લાવવાની તૈયારીઓ શરૂ
શ્રીલંકામાં સામાન્ય લોકોની સાથે સાથે વિપક્ષ પણ રાજપક્ષે સરકાર પર આકરાં પ્રહારો કરવાની કોશિશમાં લાગી ગયું છે. સરકાર વિરુદ્ધ અવિશ્વાસ પ્રસ્તાવ લાવવાની તૈયારીઓ ચાલી રહી છે. શ્રીલંકાની મુખ્ય વિપક્ષી પાર્ટી એલજેબીએ સરકાર વિરુધ્ધ અવિશ્વાસ પ્રસ્તાવ લાવવાની જાહેરાત કરી દીધી છે. પ્રાપ્ત વિગતો અનુસાર જોઈએ તો, એસજેબીએ તેના માટે સાંસદોની સહીઓ લેવાનું શરૂ કરી દીધું છે.
સંકટને ખતમ કરવા માટે રાજપક્ષે સરકારે નાણામંત્રી IMF સાથે વાતચીત કરવાની કોશિશમાં લાગી ગયા છે. કારણ કે, દેશના ફોરેન રિઝર્વનો ગ્રાફ ખૂબ જ નીચે આવી ચુક્યો છે. તેના પરિણામે જરૂરી ચીજવસ્તુઓના ભાવો આસમાને પહોંચ્યા છે.
જીવન જરૂરિયાતવસ્તુઓના ભાવો આસમાને
પેટ્રોલના ભાવમાં એક વર્ષમાં 85 ટકાનો વધારો થયો છે. ડીઝલમાં 69 ટકાનો વધારો આવ્યો છે. રસોઈ ગેસ સિલેન્ડરની કિંમતમાં 84 ટકાનો ઉછાળો આવ્યો છે. એટલુ જ નહીં એક કિલો હળદરના ભાવ 3853 રૂપિયા છે. જેમાં 443 ટકાનો ઉછાળો આવ્યો છે. એક કિલો બ્રેડ 3583 રૂપિયામાં મળી રહી છે. તેની કિંમતમાં પણ 443 ટકાનો ઉછાળો આવ્યો છે. ચોખાની કિંમતમાં 93 ટકાનો વધારો છે. જ્યારે મસૂર દાળની કિંમતમાં 1117 ટકાનો વધારો થયો છે.
સંકટમાં સમયમાં ભારતે કરી મદદ
આંકડા જણાવી રહ્યા છે કે, શ્રીલંકામાં હાલત એટલી ખરાબ છે જેના કારણે રાષ્ટ્રપતિ સચિવાલયે બહાર જમા થયેલા લોકો રાજપક્ષેને સત્તા છોડવાની માગ કરી રહ્યા છે. હાલના સમયમાં શ્રીલંકામાં ઈંધણની ભારે કમી છે. જેને દૂર કરવા માટે ભારત મોટી ભૂમિકા નિભાવી રહ્યું છે. હાલના દિવસોમાં જ ભારતે 40 હજાર મેટ્રિક ટન ડીઝલ અને 36 હજાર મેટ્રિક ટન પેટ્રોલ ક્રેડિટ લાઈન તરીકે શ્રીલંકા સુધી પહોંચાડ્યું છે.