પાડોશી દેશ શ્રીલંકા છેલ્લા સાત દાયકાના સૌથી ખરાબ આર્થિક સંકટમાંથી પસાર થઈ રહ્યો છે. જેના કારણે કર્મચારીઓને ઓફિસે આવવાનું બંધ કરી દીધું છે અને શાળાઓ પણ બંધ કરી દીધી છે.
શ્રીલંકામાં ભયંકર સંકટમાં જીવતી પ્રજા
પેટ્રોલ ખરીદવા માટે લાંબી લાઈનો લાગી
સરકારી સ્કૂલો બંધ, કર્મચારીઓ ઘરેથી કામ કરશે
પાડોશી દેશ શ્રીલંકા છેલ્લા સાત દાયકાના સૌથી ખરાબ આર્થિક સંકટમાંથી પસાર થઈ રહ્યો છે. સરકારના ખજાનાની તિજોરી ખાલી થઈ ગઈ છે ને ઝડપથી વધી રહેલી મોંઘવારીના કારણે ચારેતરફથી ઘેરાયેલા દેશમાં હાહાકાર મચી ગયો છે. શ્રીલંકામાં હાલના સમયમાં ઈંધણની ભારે કમી વર્તાઈ રહી છે. દેશમાં દરેક જગ્યાએ પેટ્રોલ ડીઝલ લેવા માટે હજારોની સંખ્યામાં લોકો લાઈનોમાં લાગેલા છે. તે જ સમયે સોમવારે શ્રીલંકામાં સૈનિકોએ પેટ્રોલ માટે લાંબી લાઈનોમાં ઉભેલા લોકોને ટોકન આપ્યા, જ્યારે કોલંબોમાં સ્કૂલો બંધ કરી દેવામા આવી છે અને સરકારી કર્મચારીઓને હવે ઘરેથી કામ કરવાના આદેશ આપવામાં આવ્યા છે.
એક રિપોર્ટ અનુસાર શ્રીલંકા સરકારનું વિદેશ મુડી ભંડોળ પોતાના રેકોર્ડ નીચલા સ્તર પર પહોંચી ગયું છે. 22 મિલિયન વસ્તીવાળા આ દેશ જીવન જરુરિયાત વસ્તુ માટે જેમ કે, ભોજન, દવા અને સૌથી જરૂરી વસ્તુ ઈંધણ માટે ખરીદીના પૈસા નથી, જેનાથી દરરોજ મોંઘવારી રેકોર્ડ સ્તર પર પહોંચી રહી છે.
એક એક ટીપા માટે હાહાકાર
શ્રીલંકામાં ઈંધણની કમીથી લોકો ચારેતરફ દોડ લગાવી રહ્યા છે. એક રિક્ષાચાલકે જણાવ્યું હતું કે, ડીઝલ લેવા માટે છેલ્લા ચાર દિવસથી લાઈનમાં ઉભો છું. આ દરમિયાન હું શાંતિથી ભોજન પણ લઈ શક્યો નથી, અને સુવાનો પણ ટાઈમ નથી મળ્યો. શેલ્ટને કહ્યું કે, અહીં એક એક ટીપા માટે લોકોમાં હોડ જામી છે.
શેલ્ટને કહ્યું કે, અમે કમાઈ શકતા નથી, અને આ સંકટના સમયમાં પરિવારનું પેટ પણ ભરી શકતા નથી. શેલ્ટને કોલંબોના એક ઈંધણ સ્ટેશન પર લાગેલી લાઈનમાં 24માં સ્થાને હતો. જો કે આ વ્યક્તિ ત્યાં જ ઉભો રહેવા માટે તૈયાર હતો, કેમ કે ઘરે જવા માટે તેની પાસે પેટ્રોલ નહોતું.
સરકારી કર્મચારીઓને ઘરેથી કામ કરવાના આદેશ
પેટ્રોલ-ડીઝલની કમીના કારણે સરકારે પોતાના કર્મચારીઓને આગામી આદેશ સુધી ઘરેથી કામ કરવા માટે કહ્યું છે, તો વળી આર્થિક રાજધાની કોલંબો અને તેની આજૂબાજૂના વિસ્તારમાં સંકટને જોતા સ્કૂલો એક અઠવાડીયા સુધી બંધ કરી દીધી છે.