વિદેશી મુદ્રા ભંડાર ઘટવાના કારણે શ્રીલંકા હાલ ગંભીર સંકટનો સામનો કરી રહ્યું છે અને સરકાર જરૂરી આયાત માટે ચૂકવણી કરી શકતી નથી. જીવન જરૂરિયાત વસ્તુમાટે લાંબી લાઈનો લાગી
શ્રીલંકામાં આર્થિક સંકટ વચ્ચે જીવન જરૂરી સામાનની અછત સર્જાઈ
ખાદ્યચીજો, દવાઓ, રાંધણ ગેસ, ઈંધણ અને ટોયલેટ પેપરની ભારે અછત
શ્રીલંકામાં વધી રહેલી રાજકીય અને આર્થિક સંકટ સાથે રાજધાની કોલંબોમાં સુપરમાર્કેટ્સમાં ખોરાક અને અન્ય આવશ્યક ચીજવસ્તુઓની અછત વધી રહી છે. સંકટમાંથી પસાર થઈ રહેલા દેશમાં રાંધણગેસ, કેરોસીન, ગેસોલીન, ખાંડ, દૂધનો પાવડર અને દવાઓ જેવી આવશ્યક ચીજવસ્તુઓ માટે લોકો દિવસોથી લાઈનોમાં ઉભા છે. સંયુક્ત રાષ્ટ્રની એજન્સીઓના જણાવ્યા અનુસાર, આશરે 20.3 લાખ બાળકો સહિત 50.7 લાખ શ્રીલંકાના લોકોને તાત્કાલિક માનવીય સહાયની જરૂર છે.
શ્રીલંકા પર આર્થીક સંકટ તોળાઈ રહ્યું છે
વિશ્વ ખાદ્ય કાર્યક્રમેં જણાવ્યું છે કે શ્રીલંકાની કુલ વસ્તીના 60 લાખથી વધુ લોકો અથવા 28 ટકાથી વધુ લોકો "ખાદ્ય અસલામતી"નો સામનો કરી રહ્યા છે અને અત્યાર સુધીની સૌથી ખરાબ આર્થિક કટોકટીમાં ઘેરાતી પરિસ્થિતિ વધુ વણસવાની ધારણા છે. વિદેશી હૂંડિયામણના ભંડારમાં ઘટાડો થવાને કારણે શ્રીલંકા હાલ ગંભીર સંકટનો સામનો કરી રહ્યું છે અને સરકાર જરૂરી આયાત માટે ચૂકવણી કરી શકતી નથી. આર્થિક સંકટના કારણે ખાદ્યચીજો, દવાઓ, રાંધણ ગેસ, ઈંધણ અને ટોયલેટ પેપરની ભારે અછત વર્તાઈ રહી છે.
28 ટકા વસ્તી ખાદ્ય અસુરક્ષાનો સામનો કરી રહી છે
લોકોને બળતણ અને રાંધણ ગેસ ખરીદવા માટે દુકાનોની બહાર કલાકો સુધી રાહ જોવી પડે છે. વિશ્વ ખાદ્ય કાર્યક્રમ (WFP)એ શુક્રવારે શ્રીલંકાની સ્થિતિ પર પોતાના રિપોર્ટમાં કહ્યું કે દેશની 63 લાખ એટલે કે 28 ટકા વસ્તી ખાદ્ય અસુરક્ષાનો સામનો કરી રહી છે અને સંકટ વધુ ઘેરું થતાં સ્થિતિ વધુ વણસી શકે છે. રિપોર્ટમાં કહેવામાં આવ્યું છે કે, આમાંથી ઓછામાં ઓછા 65,600 લોકો ગંભીર ખાદ્ય અસલામતીનો સામનો કરી રહ્યા છે. WFPએ ચેતવણી આપી હતી કે જો તાત્કાલિક હસ્તક્ષેપ કરવામાં નહીં આવે તો આ સંખ્યામાં ઝડપથી વધારો થઈ શકે છે.
67 લાખ લોકોને પૂરતો ખોરાક મળતો નથી
ડબ્લ્યુએફપીએ જણાવ્યું હતું કે, ખોરાકની આસમાનને આંબી રહેલી કિંમતોને કારણે, લોકો માટે ખોરાકની જરૂરિયાતો પૂરી કરવી મુશ્કેલ બની રહી છે. લગભગ 67 લાખ લોકોને પૂરતો ખોરાક મળતો નથી. એજન્સી 2022 માં 34 લાખ લોકો સુધી તેની પહોંચ વિસ્તૃત કરી રહી છે. ડબ્લ્યુએફપીએ જણાવ્યું હતું કે તેમણે તેમની જીવન સહાય માટે તાત્કાલિક 6. 30 કરોડ ડોલરની આવશ્યકતા છે.