Tuesday, August 20, 2019
સબસ્ક્રાઈબ કરો VTVGujarati ન્યુઝ Whatsapp

વિસ્ફોટ / ઇસ્ટર બ્લાસ્ટ: શ્રીલંકાના રાષ્ટ્રપતિ મૈત્રીપાલ સિરિસેનના નિવેદન પર વિવાદ, જાણો શું કહ્યું

ઇસ્ટર બ્લાસ્ટ: શ્રીલંકાના રાષ્ટ્રપતિ મૈત્રીપાલ સિરિસેનના નિવેદન પર વિવાદ, જાણો શું કહ્યું

શ્રીલંકામાં ઈસ્ટર સન્ડે પર્વ પર થયેલા બોમ્બ બ્લાસ્ટ પાછળ ડ્રગ માફિયાઓનો હાથ હોવાનો દાવો કરીને શ્રીલંકાના રાષ્ટ્રપતિ મૈત્રીપાલ સિરિસેને નવો વિવાદ છંછેડ્યો છે. ઉલ્લેખનીય છે કે, આ પહેલા શ્રીલંકામાં થયેલા આતંકી હુમલા માટે ઈસ્લામી આતંકીઓ જવાબદાર હોવાનો દાવો કરવામાં આવ્યો હતો.

માદક દ્રવ્યો વિરુદ્ધ રાષ્ટ્રવ્યાપી અભિયાન દરમિયાન આ નિવેદન એવા સમયે આવ્યું છે જ્યારે રાષ્ટ્રપતિ સિરિસેન ડ્રગ્સ સાથે જોડાયેલા અપરાધો માટે ફરીથી મૃત્યુદંડ (ફાંસી)ની સજાની જોગવાઈ લાગુ પાડવા તત્પર છે.

ઉલ્લેખનીય છે કે, આ હુમલાની તપાસ કરનારા અધિકારીઓ અને એજન્સીઓએ સાફ જણાવ્યું હતું કે, ગત એપ્રિલ મહિનામાં શ્રીલંકામાં આવેલા ચર્ચ અને હોટલો પર થયેલા આત્મઘાતી બોમ્બ વિસ્ફોટો માટે સ્થાનિક જેહાદી સંગઠન નેશનલ તૌહિદ જમાત (NTJ) જવાબદાર છે. આ બ્લાસ્ટમાં 258 લોકોએ પોતાનો જીવ ગુમાવ્યો હતો. બાદમાં ખતરનાક આતંકી સંગઠન ઈસ્લામિક સ્ટેટ (ISIS)એ આ બ્લાસ્ટની જવાબદારી લીધી હતી. 

સિરિસેનના કાર્યાલયે બ્લાસ્ટના એક દિવસ બાદ નિવેદન આપ્યું હતું કે, આ હુમલાઓ માટે સ્થાનિક આતંકવાદીઓ અને આંતરરાષ્ટ્રીય આતંકી સંગઠન જવાબદાર છે. હવે તેમના જ કાર્યાલયે આખી વાત ફેરવી તોળી છે અને જણાવ્યું છે કે, આંતરરાષ્ટ્રીય ડ્રગ ડીલરોએ શ્રીલંકામાં હુમલા અને બ્લાસ્ટનું ષડ્યંત્ર રચ્યું હતું.

બીજી તરફ વડાપ્રધાન રાનિલ વિક્રમસિંઘેએ અગાઉની જેમ ઈસ્લામી આતંકીઓને જ જલાબદાર ઠેરવી રાષ્ટ્રપતિના દાવાને ફગાવી દીધો છે. પીએમના પ્રવક્તા સુદર્શન ગુણાવર્ધને જણાવ્યું કે, પોલીસે લગભગ બે સપ્તાહમાં બ્લાસ્ટની તપાસ પુરી કરી લીધી હતી. 

તપાસના રિપોર્ટમાં ક્યાંય પણ ડ્રગ ડીલરો સામેલ હોવાનો ઉલ્લેખ સુદ્ધાં કરવામાં આવ્યો નથી. અમને પોલીસ અને એજન્સીઓની આ તપાસ પર પુરો ભરોસો છે. રાષ્ટ્રપતિના દાવા સાથે અમે (પીએમઓ) સહમત નથી અને ડ્રગ માફિયાવાળી થિયરી કોઈના ગળે ઉતરે એવી નથી.
 

જોવા જેવું વધુ જુઓ

બ્રેકિંગ ન્યૂઝ