રાજસ્થાનના શ્રીગંગાનગરની આરએમજી બેન્કના મહિલા મેનેજરે પોતાની હિંમતથી બેન્ક લૂંટવા આવેલા લૂંટારાને એકલા હાથે ભગાડી મૂક્યો હતો.
રાજસ્થાનના શ્રીગંગાનગરની આરએમજી બેન્કની ઘટના
મહિલા બેન્ક મેનેજેર ચાકૂ લઈને આવેલા લૂંટારાને એકલીએ ભગાડ્યો
બેન્કે બચાવી લીધા 37 લાખ રુપિયા
ઘટનાનો વીડિયો થયો વાયરલ
રાજસ્થાનના શ્રીગંગાનગરની આરએમજી બેન્કમાં એક મહિલા બેન્ક મેનેજરે કરેલી હિંમતને કારણે બેન્કના 37 લાખ રુપિયા બચી ગયા હતા. જો બેન્ક મેનેજરે હિંમતથી લૂંટારાને ભગાડ્યો ન હોત તો બેન્કે તેની બધી મૂડી ગુમાવવાનો વારો આવ્યો હોત. આરએમજી બેન્કની મહિલા મેનેજરે નકાબપોશ બદમાશનો બેન્ક લૂંટવાનો ઈરાદો નિષ્ફળ બનાવ્યો હતો એટલું જ નહીં પરંતુ તેની હિંમતને કારણે બદમાશ પકડાઈ ગયો હતો.
Brave rmgbank staff foiled loot in Sri Ganganagar
Rmgbank is my bank I retired 2018 pic.twitter.com/V2v0HtnLjK
લૂંટના ઈરાદે ચહેરો ઢાંકીને હાથમાં ચાકૂ લઈને બેન્કમાં ઘુસ્યો બદમાશ
ઝડપાયેલા આરોપીની ઓળખ 29 વર્ષીય લવીશ ઉર્ફે ટીશ્યુ તરીકે થઈ છે. ટિશ્યુ શ્રીગંગાનગરની દાવડા કોલોનીનો રહેવાસી છે. શનિવારે મોડી સાંજે ટીશ્યુ અરોરા બેંકમાં લૂંટના ઇરાદે માસ્ક પહેરીને ઘૂસી ગયો હતા અને બેંક કર્મચારીઓને બંધક બનાવવાનો પ્રયાસ કર્યો હતો. આ દરમિયાન ટીશ્યુ બેંક કર્મચારીઓના મોબાઇલ છીનવી રહ્યા હતા ત્યારે બેંકના બ્રાન્ચ મેનેજર પૂનમ ગુપ્તાએ ડ્રાયરમાંથી કાતર કાઢીને લૂંટારાનો સામનો કર્યો હતો અને તે પછી અન્ય બેંક કર્મચારીઓએ પણ હિંમત દાખવીને ગણતરીની સેકન્ડોમાં જ બદમાશને પકડી લીધો હતો. બેન્કમાં લૂંટના નિષ્ફળ પ્રયાસના સીસીટીવી ફૂટેજ સામે આવ્યા છે, જેમાં જોઈ શકાય છે કે, આ બદમાશ પોતાની સાથે એક બેગ અને મોટી છરી લઈને આવ્યો હતો. સાથે જ તેણે પોતાનો ચહેરો કપડાથી સંપૂર્ણ રીતે ઢાંકી દીધો હતો.
મહિલા બેન્ક મેનેજરે લૂંટારા પર કાતરથી કર્યો હુમલો
બેન્કમાં પ્રવેશતા જ ત્યાં હાજર તમામ કર્મચારીઓને છરી બતાવીને ધમકાવીને લોબીમાં ભેગા થવાનું કહ્યું હતું. આ દરમિયાન જ્યારે તે બેંક કર્મચારીઓ પાસેથી મોબાઈલ છીનવી રહ્યો હતો ત્યારે બેંક મેનેજર પૂનમ ગુપ્તાએ હિંમત અને બહાદુરી બતાવીને બદમાશ પર કાતરની મદદથી હુમલો કર્યો હતો. આ દરમિયાન બદમાશ ગભરાઈ ગયો હતો અને બેંક સ્ટાફે મળીને આ બદમાશને પકડી લીધો હતો અને પોલીસને સોંપી દીધો હતો.