IPL 2024 / હાર બાદ રડી પડેલી SRHની માલકણ કાવ્યા મારને ખેલાડીઓને હસાવ્યા, દિલને ટચ કરતો વીડિયો

સનરાઇઝર્સ હૈદરાબાદ, જેણે આઈપીએલ 2024 માં તોફાની રમત રમી હતી, તે ફાઇનલમાં નિરાશ થઈ હતી. તેને કોલકાતા નાઈટ રાઈડર્સે 8 વિકેટથી હરાવ્યું હતું. આ હાર બાદ સનરાઇઝર્સ હૈદરાબાદનો દરેક ખેલાડી ખૂબ જ નિરાશ દેખાતો હતો. તેમની ટીમની માલિક કાવ્યા મારન સ્ટેડિયમમાં જ રડતી જોવા મળી હતી, પરંતુ હવે તેનો એક વીડિયો સામે આવ્યો છે જેણે તમામ ચાહકો અને ખેલાડીઓનું દિલ જીતી લીધું છે. સનરાઇઝર્સ હૈદરાબાદે કાવ્યા મારનનો એક વીડિયો પોસ્ટ કર્યો છે, જેમાં તે ખેલાડીઓનો ઉત્સાહ વધારતી જોવા મળી રહી છે અને તેમનો આભાર વ્યક્ત કરી રહી છે.

કાવ્યા મારને ડ્રેસિંગ રૂમમાં શું કહ્યું ?

કાવ્યા મારને સનરાઇઝર્સ હૈદરાબાદના ડ્રેસિંગ રૂમના તમામ ખેલાડીઓને આ સિઝનમાં તેમના ઉત્કૃષ્ટ પ્રદર્શન બદલ અભિનંદન પાઠવ્યા હતા. કાવ્યાએ કહ્યું કે આ સિઝનમાં તેમની ટીમે દરેકને બતાવ્યું કે ટી-20 ક્રિકેટ કેવી રીતે રમાય છે. કાવ્યાએ કહ્યું કે તેમની ટીમ ભલે ચેમ્પિયન ન બની શકી હોય, પરંતુ સનરાઇઝર્સ હૈદરાબાદના ખેલાડીઓએ તેમની ક્ષમતા બતાવી અને ગયા વર્ષે છેલ્લા સ્થાને રહેલી આ ટીમે આ વખતે લોકોની તેના પ્રત્યેની માનસિકતા બદલી નાંખી

આ પણ વાંચોઃ IPLની ફાઈનલમાં સનરાઇઝર્સ હૈદરાબાદ કેમ હાર્યું? આ 5 કારણોને લીધે છીનવાયો ખિતાબ

સ્ટેડિયમમાં જ ખૂબ જ ભાવુક થઈ ગઈ હતી કાવ્યા મારન

કાવ્યા મારને ભલે તેના ખેલાડીઓનું મનોબળ વધાર્યું હોય પરંતુ ટીમની હાર બાદ તે પોતાને કાબૂમાં રાખી શકી ન હતી. તે સ્ટેડિયમમાં જ ખૂબ જ ભાવુક થઈ ગઈ હતી અને પોતાના આંસુ છુપાવવા માટે કેમેરાથી દૂર થઈ ગઈ હતી. કાવ્યા મારન નિરાશ હતી કારણ કે તેની ટીમ પાસે આ વખતે ચેમ્પિયન બનવાની સારી તક હતી પરંતુ KKRએ ઘણું સારું પ્રદર્શન કર્યું હતું. જો કે, કાવ્યા મારન માટે આગલી વખતે વધુ મુશ્કેલ હશે કારણ કે આગામી સીઝન માટે મેગા હરાજી થશે અને સૌથી મોટો પ્રશ્ન એ હશે કે તે કોને જાળવી રાખશે અને કોણ ટીમમાંથી બહાર રહેશે.