કચ્છ / ઉડતા ગુજરાત ? રાજ્યના આ જિલ્લામાંથી SRDના જવાનોને મોટા પ્રમાણમાં મળ્યો ડ્રગ્સનો જથ્થો

• કચ્છમાં સૈનિકોને મળ્યો બિનવાસરી ડ્રગ્સનો જથ્થો 
• SRDના જવાનોને મળ્યા ડ્રગ્સના 10 પેકેટ 
• દરિયાકાંઠેથી ડ્રગ્સની ઘૂસણખોરી થઈ હોવાની આશંકા 

કચ્છના દરિયાકાંઠેથી ડ્રગ્સના બિનવારસી પેકેટો મળી આવ્યા છે. જેના કારણે સ્થાનિક પોલીસ તેમજ તપાસ એજન્સીઓ દોડતી થઈ ગઈ છે. જોકે આ પેકેટ ક્યાથી આવ્યા છે તે મામલે હજુ સુધી કોઈ પણ પ્રકારની માહિતી સામે નથી આવી શકી. જોકે કચ્છમાં અગાઉ પણ આ રીતે ડ્રગ્સની હેરાફેરી કરતા આરોપીઓની ડ્રગ્સ સાથે ધરપકડ કરવામાં આવી છે. 

દરિયાકિનારેથી મળ્યા ડ્રગ્સના 10 પેકેટ 

સુથરીના દરિયાકાંઠેથી  ડ્રગ્સના 10 પેકેટ મળી આવ્યા છે. SRDના જવાનો પેટ્રોલીંગ કરી રહ્યા હતા. તે સમયે તેમને આ પેકેટો મળી આવ્યા. જોકે પેકેટો બિનવારસી હાલતમાં પડ્યા હતા. જેથી બની શકે છે કે આરોપીઓ પેકેટ મુકીને ત્યાથી નાસી ગયા હોય. સમગ્ર મામલે આ ડ્રગ્સના પેકેટો SRDના જવાનોએ કોઠારા પોલીસને આપ્યા છે.

ડ્રગ્સની ઘૂસણખોરી 

પોલીસને તેમજ SRDના જવાનોને શંકા છે કે દરિયાકાંઠેથી આ ડ્રગ્સની ઘૂસણખોરી કરવામાં આવી છે. સમગ્ર મામલે અત્યાર સુધીમાં કોઈ પણ પુરવાઓ હાથ નથી લાગ્યા પરંતુ તપાસ એજન્સી અને સ્થાનિક પોલીસ આ કેસની ઉંડાણ પૂર્વક તપાસ કરી રહી છે. 

6 મહિનામાં 1 અબજ જેટલું ડ્રગ્સ ઝડપાયું 

રાજ્યમાં છેલ્લા 6 મહિનામાં ડ્રગ્સનો કારોબાર વધ્યો છે. પરંતુ તેને ધ્યાન રાખીને ડ્રગ્સ વિરોધી ભારત અભિયાનમાં ગુજરાતનું ગૃહ વિભાગ સક્રિય જોવા મળ્યું છે. છેલ્લા 6 મહિનામાં 1 અબજથી વધુની કિંમતના નશીલા દ્રશ્યો ઝડપાયા છે. તેમજ ડ્રગ્સની હેરાફેરી કરતા 251 કરતા વધુ આરોપીઓની ધરપકડ કરવામાં આવી છે. 

2500 કરોડનું ડ્રગ્સ રેકેટ                 

ઉલ્લેખનીય છે કે તાજેતરમાંજ થોડા દિવસ અગાઉ દિલ્હીમાં 2500 કરોડના ડ્રગ્સ રેકેટનો પર્દાફાશ થયો હતો. જેમા ચાર આરોપીઓની ધરપકડ કરવામાં આવી હતી. તેજ દિવસે અમદાવાદમાં ડ્રગ્સ સાથે એક આરોપીની ધરપકડ કરવામાં આવી હતી. તે આરોપી પણ દિલ્હીથી ડ્રગ્સ લઈને અમદાવાદ આવ્યો હતો.