ખરાબ સમાચાર / કોરોના બાદ ચીનથી પહોંચેલી આ બીજી બિમારીને લઇને અમેરિકા થયું અલર્ટ

અંદાજે 10 દિવસ પહેલા ચીનના આંતરિક મંગોલિયામાં બ્યૂબોનિક પ્લેગ બિમારી ફેલાવાના સમાચા પ્રાપ્ત થયા હતા. ઉલ્લેખનીય છે કે બ્યૂબોનિક પ્લેગ આ અગાઉ દુનિયામાં ત્રણ વખત ફેલાય ચુક્યો છે. પહેલી વાર આ મહામારીના કારણે 5 કરોડ, બીજી વખત યુરોપની 1/3 જનસંખ્યા અને ત્રીજી વખત 80 હજાર લોકોના જીવ ગયા હતા. હવે આ ચોથી વખત બિમારી ફેલાવાના સમાચાર 10 દિવસની અંદર ચીન અને અમેરિકામાંથી આવ્યાં છે. 

અમેરિકાના કોલોરાડોના મૉરિસન વિસ્તારમાં 11 જુલાઇના રોજ એક ખિસકોલી બ્યૂબોનિક પ્લેગની સંક્રમિત મળી છે. કોલોરાડોમાં તંત્ર દ્વારા લોકોને એલર્ટ રહેવા જણાવામાં આવ્યું છે. આ સાથે ઘરોમાં ઉંદર, ખિસકોલી અને નોળિયાને દૂર રાખવા જણાવામાં આવ્યું છે. 

બ્યૂબોનિક પ્લેગ ઉંદરમાં મળતા બેકટેરિયાથી ફેલાય છે. આ બેકટેરિયાનું નામ છે યર્સિનિયા પેસ્ટિસ બેક્ટીરિયમ (Yersinia Pestis Bacterium). આ બેક્ટીરિયા શરીરના લિંફ નોડ્સ, લોહી અને ફેફસા પર અસર કરે છે. જેના કારણે આંગળીઓ કાળી પડીને સડવા લાગે છે. નાકની સાથે પણ એવું થાય છે. 

બ્યૂબોનિક પ્લેગને ગિલ્ટીવાળો પ્લેગ પણ કહેવામાં આવે છે. જેનાથી શરીરમાં વધારે દુખાવો થાય છે, તેજ તાવ થાય છે. હાર્ટબીટ ઝડપી થઇ જાય છે. બે-ત્રણ દિવસની અંદર ગુમડા (ચાઠા) થવા લાગે છે. 14 દિવસમાં ગુમડા (ચાઠા) પાકી જતી હોય છે. ત્યારબાદ શરીરમાં જે દુખાવો થાય છે તે અસહ્ય થતો હોય છે. 

દુનિયામાં બ્યૂબોનિક પ્લેગના કારણે 2010થી 2015ની વચ્ચે અંદાજે 3248 કેસ સામે આવી ચૂક્યાં છે. જેમાંથી 584 લોકોના મૃત્યું થયા છે. આ વર્ષોમાં સૌથી વધારે કેસ ડેમોક્રેટિક રિપબ્લિક ઑફ કૉન્ગો, મેડાગાસ્કર, પેરુમાં આવ્યાં હતા. આ પહેલા 1970થી લઇને 1980 સુધી આ મહામારીને ચીન, ભારત, રશિયા, આફ્રિકા, લેટિન, અમેરિકા અને દક્ષિણ અમેરિકન દેશોમાં જોવા મળી છે.