જાળ / પાકિસ્તાની મહીલા ISI એજન્ટે ફસાવ્યો, આર્મીની માહિતી મોકલતો હતો, પોલીસે કરી ધરપકડ

• પોસ્ટમાં કામ કરતો કર્મી આઈએસઆઈ મહિલા એજન્ટ સાથે સંપર્કમાં
• આર્મી સંબંધિત પોસ્ટના ફોટોઝ મગાવતી હતી 
• વોટ્સઅપ માટે એક ઓટીપી પણ શેર કર્યો

જયપુરના મિલિટ્રી ઇન્ટેલિજન્સ, દક્ષિણ વિભાગ અને સ્ટેટ ઇન્ટેલિજન્સ દ્વારા એક સંયુક્ત અભિયાનમાં ગુરુવારે ભરત ગોદારા નામના એક વ્યક્તિની જાસૂસીમાં શામેલ થવાના આરોપસર ધરપકડ કરવામાં આવી હતી. સંદિગ્ધ પાકિસ્તાન સ્થિત આઈએસઆઈ મહિલા એજન્ટ સાથે સતત સંપર્કમાં હતા. અને રક્ષા સંબંધીત અધિકૃત તસવીરો ક્લિક કરીને તેની જાણકારી આપતા હતા. 

સંયુક્ત પૂછપરછ કેન્દ્ર જયપુર ખાતે એજન્સીઓ દ્વારા કરવામાં આવેલી પૂછપરછમાં આરોપી ભરત બાવરીએ કહ્યું હતું કે તે મૂળ ગામ ખેડાપા, જિલ્લા જોધપુરના રહેવાસી છે. અને ત્રણ વર્ષ પહેલા જ એમટીએસ પરીક્ષા પાસ કરીને રેલવે પોસ્ટ સર્વિસના જયપુર સ્થિત કાર્યાલયમાં આવ્યા હતા. જ્યાં તેઓ આવતી જતી પોસ્ટનું વર્ગીકરણ કરતાં હતા.   

હનીટ્રેપમાં ફસાયા

પોલીસ ઇન્ટેલિજન્સ ઉમેશ મિશ્રાએ જણાવ્યું હતું કે આરોપી પાકિસ્તાની ગુપ્તચર એજન્સીની મહિલા એજન્ટના હનીટ્રેપમાં ફસાયા બાદ ભારતીય સેનાના મહત્વના સિક્રેટ ડોક્યુમેન્ટના ફોટો ખેંચીને વૉટ્સઅપ દ્વારા પાકિસ્તાની હેન્ડલર પર મોકલતો હતો. 

આર્મી સંબંધિત પોસ્ટના ફોટોઝ મગાવતી

લગભગ ચાર પાંચ મહિના પૂર્વે તેના મોબાઈલ પર ફેસબુક મેસેંજર પર એક મહિલાનો મેસેજ આવ્યો હતો. થોડા દિવસો બાદ બંને વૉટ્સઅપ પર વોઇસકોલ અને વિડીયો કોલથી વાતચીત કરવા લાગ્યા હતા. મહિલાએ પોર્ટ બ્લેરમાં નર્સિંગ બાદ એમબીબીએસની તૈયારી કરવાની વાત કરી હતી. પોતાના કોઈ સંબંધી જયપુર સ્થિત કોઈ સારા આર્મી યુનિટમાં ટ્રાન્સફર થયા હોવાના બહાને આરોપી ધીમે ધીમે આર્મી સંબંધિત પોસ્ટના ફોટોઝ મગવતી હતી. પછી એક મહિલા એજન્ટે આરોપીને જયપુર આવીને મળવા અને સાથે ફરવા માટે અને સાથે રોકાવાની લોભમણી ઓફર કરીને ફોટોઝ મોકલવાનું શરૂ કર્યું હતું. 

વોટ્સઅપ માટે એક ઓટીપી પણ શેર કર્યો

આરોપીએ પૂછપરછમાં જણાવ્યું હતું કે ટે મહિલા મિત્રના કહેવા પર પોતાના નામ પર એક સીમ અને મોબાઈલ નંબર અને વોટ્સઅપ માટે એક ઓટીપી પણ શેર કર્યો હતો. આ ભારતીય નંબરના ઉપયોગથી એક પાકિસ્તાની મહિલા એજન્ટ અન્ય નામનો ઉપયોગ કરીણે બીજા આર્મી જવાનોને પોતાના જાળમાં ફસાવે તેવી પણ સંભાવના વ્યક્ત કરવામાં આવી હતી.