સિદ્ધિ / દોડવીર હિમા દાસને અપાશે આ મોટુ પદ, આસામ સરકારે લીધો મોટો નિર્ણય

• હિમાએ આઈએએએફ વર્લ્ડ અંડર-20 ચેમ્પિયનશિપમાં ગોલ્ડ મેડલ મેળવ્યો હતો 
• રમત મંત્રી કિરણ રિજિજૂએ આનંદ વ્યક્ત કર્યો
• 2019માં 5 ગોલ્ડ મેડલ હાંસલ કર્યા હતા

હિમા દાસ છે ભારતની યુવા સ્પ્રિન્ટર

ભારતની યુવા સ્પ્રિન્ટર હિમા દાસને આસામ સરકારની ડીએસપીનાં પદ પર નિયુક્ત કરવાનો નિર્ણય લેવામાં આવ્યો છે. આસામનાં મુખ્યમંત્રી સર્બાનંદ સોનોવાલની અધ્યક્ષતામાં યોજાયેલ એક બેઠકમાં આ નિર્ણય લેવાયો છે. 

ખેલાડીઓની બે શ્રેણીમાં નિમણૂક કરાઈ

કેબિનેટે રાજ્ય સરકાનાં વિભિન્ન વિભાગોમાં શ્રેણી-1 અને શ્રણી-2માં ખેલાડીઓની નિમણૂક માટે એકીકૃત રમત નીતિમાં સુધારો કર્યો છે. ઓલમ્પિક, એશિયન ગેમ્સ અને રાષ્ટ્રમંડળ રમતોમાં રાજ્ય પદક વિજેતાઓને શ્રેણી-1માં નિયુક્ત કરવામાં આવશે અને વિશ્વ ચેમ્પિયનશિપમાં પદક જીતનાર ખેલાડીઓને શ્રેણી-2માં સામેલ કરવામાં આવશે.

The CoM approved amendment to the Integrated Sports Policy for the State providing for appointment to medal winners of Olympics, Asian Games, CWG (Class 1) and medal winners of World Championships senior (Class 2) officers.

Hima Das will be appointed as Dy. SP#AssamCabinet

— Chief Minister Assam (@CMOfficeAssam) February 10, 2021

ટ્વીટર પર જાહેરાત કરી

મુખ્યમંત્રી સર્બાનંદ સોનોવાલે પોતાના ઓફિશિયલ ટ્વીટર એકાઉન્ટ પરથી તેની માહિતી આપી છે. કેન્દ્રીય રમત મંત્રી કિરણ રિજિજૂએ પણ ટ્વીટ કરીને હિમા દાસની નિયુક્તિ પર આનંદ વ્યક્ત કર્યો છે. રિજિજૂએ તેનાં માટે સર્બાનંદ સોનોવાલનો પણ આભાર પ્રગટ કર્યો છે.

Well done! Assam Cabinet, headed by CM @sarbanandsonwal Ji has decided to offer the post of DSP in Assam Police to sprinter queen @HimaDas8 ! pic.twitter.com/kfkFcYj4KE

— Kiren Rijiju (@KirenRijiju) February 10, 2021

2019માં પાંચ ગોલ્ડ મેડલ જીત્યા

ઉલ્લેખનીય છે કે હિમા દાસે 2018માં ફિનલેન્ડમાં યોજાયેલ આઈએએએફ વર્લ્ડ અંડર-20 ચેમ્પિયનશિપની મહિલાઓની 400 મીટરની સ્પર્ધામાં ગોલ્ડ મેડલ જીતીને ઈતિહાસ રચ્યો હતો. હિમાએ ફાઇનલમાં 51.46 સેકન્ડનાં સમયમાં આ જીત હાંસલ કરી હતી. તે ચેમ્પિયનશિપમાં દરેક ઉંમર વર્ગમાં ગોલ્ડ મેડલ જીતનાર હિમા પહેલી ભારતીય મહિલા અને પહેલી ભારતીય એથલીટ બની હતી. હિમાએ 2019માં પાંચ ગોલ્ડ મેડલ જીત્યા હતા. તેણે 400 મીટરની રેસ 52.09 સેકન્ડમાં પૂરી કરીને નોવે મેસ્ટો નાડ મેટુજી ગ્રાં પ્રીમાં પોતાનો પાંચમો ગોલ્ડ મેડલ જીત્યો હતો. હિમા ટાબોર ગ્રાં.પ્રીમાં 200 મીટરમાં પણ ગોલ્ડ મેડલ જીતી ચુકી છે.