સ્પોર્ટ્સ / IPL સસ્પેન્ડ થતા ઇમોશનલ થયા આ ખેલાડીઓ, વંદે ભારતમાં મુસાફરી દરમ્યાન છલક્યું દર્દ

Last Updated: 01:31 PM, 10 May 2025

FOLLOW ON

શેર કરો

ભારતે પાકિસ્તાન પર 7 મે ના વહેલી સવારે કરેલી એર સ્ટ્રાઈક પછી સુરક્ષાના પગલે પંજાબ કિંગ્સ અને દિલ્હી કેપિટલ્સ વચ્ચે ધર્મશાળામાં 8 મેના રોજ યોજાયેલી IPLની મેચ સુરક્ષાના પગલે અચાનક રદ્દ કરવામાં આવી હતી. અને સીમા ઉપર તણાવ વધવાને કારણે પ્લેયર્સ, સ્ટાફ અને દર્શકોને તાત્કાલિક ધોરણે સ્ટેડિયમ ખાલી કરવા માટે ફરજ પાડવામાં આવી હતી.

ધર્મશાળામાં રમાઈ રહેલી મેચ અધવચ્ચે સ્થગિત કરાયા આ સ્થિતિમાં ભારતીય ક્રિકેટ નિયંત્રણ બોર્ડ (BCCI) એ ઇન્ડિયન રેલવે સાથે મળીને એક ખાસ વંદે ભારત ટ્રેનની વ્યવસ્થા ઊભી કરાઈ હતી. આ ટ્રેનમાં IPLની ટીમ, સપોર્ટ સ્ટાફ, કમેનટેટર્સ, પ્રોડક્શન અને ઓપરેશન ટીમને ધર્મશાળાથી નવી દિલ્હી સુધી સુરક્ષિત રીતે પહોંચાડવામાં આવ્યા હતા. આ ટ્રેનમાં અંજુમ ચોપરા પણ ટ્રાવેલ કરતાં નજરે આવ્યા હતા.

ધર્મશાળાથી દિલ્હી વંદે ભારત ટ્રેન

આ આખા ઓપરેશનના ખૂબ વખાણ થયા હતા. દિલ્હીના સફદરગંજ સ્ટેશન સુધીની તેમની આ જર્ની માત્ર સુરક્ષિત જ નહાઈ પરંતુ સ્ટાફ અને પ્લેયર્સ માટે ખૂબ યાદગાર પણ રહી હતી. જો કે આ ટ્રેનમાં યાત્રા કરતી વખતે ફાફ ડુ પ્લેસીસ અને માર્કો જાનસેન ઉપરાંત બીજા પ્લેયર્સ પણ ઉદાસ નજર આવ્યા હતા. તો બીજી તરફ ભારતીય પ્લેયર કુલદીપ યાદવે BCCIના વખાણ કર્યા હતા. અને તે ઘણા ઈમોશનલ પણ દેખાયા હતા.

Thank you, @RailMinIndia, for arranging a special Vande Bharat train on such short notice to ferry the players, support staff, commentators, production crew members, and operations staff to New Delhi.

We deeply appreciate your swift response. 🙌🏽@AshwiniVaishnaw | @JayShah |… pic.twitter.com/tUwzc5nGWD
— IndianPremierLeague (@IPL) May 9, 2025

સુરક્ષાના પગલે મેચ સ્થગિત

ઉલ્લેખનીય છે કે BCCI એ IPL ની મેચ 9 મે ના રોજ તાત્કાલિક પ્રભાવથી સ્થગિત કરવામાં આવી હતી. જો કે એવું કહેવામાં આવી રહયું છે કે IPLની બાકીની મેચોનું શિડ્યુલ પણ જલ્દી બહાર પાડવામાં આવશે. BCCI એ IPL સ્થગિત કરવા પર કહ્યું કે આ નિર્ણય પ્લેયર્સ અને દર્શકોની સુરક્ષાને ધ્યાનમાં લઈને લેવામાં આવ્યો છે.

IPL 2025 ની નવી તારીખો ક્યારે જાહેર થશે?

IPLનો આ તબક્કો અહીં જ રોકાઈ ગયો છે. હવે વિશ્વની સૌથી રોમાંચક T20 લીગની બાકીની મેચો પરિસ્થિતિ સામાન્ય થયા પછી જ યોજાશે. તેની તારીખો ટૂંક સમયમાં જાહેર કરવામાં આવશે. બીજો વિકલ્પ એ હોઈ શકે છે કે મેચ ખાલી સ્ટેડિયમમાં યોજવામાં આવે અને દર્શકોને સ્ટેડિયમમાં પ્રવેશવા પર પ્રતિબંધ મૂકવામાં આવે.

ગયા વર્ષે પણ IPL બે ભાગમાં યોજાઈ હતી

IPL 2024 બે ભાગમાં રમાઈ હતી કારણ કે લોકસભાની ચૂંટણીઓ પણ તે જ સમયે યોજાઈ રહી હતી. પહેલો ભાગ 22 માર્ચથી 7 એપ્રિલ સુધી ચાલ્યો હતો, જેમાં 21 મેચ રમાઈ હતી. ચૂંટણીની તારીખો નક્કી થયા પછી, બાકીની મેચો અને પ્લેઓફનું આયોજન કરવામાં આવ્યું અને રમવામાં આવ્યું. આ કારણે ટુર્નામેન્ટ સરળતાથી યોજાઈ શકી અને કોઈ સમસ્યા ન હતી.