સ્પોર્ટ્સ / IPL 2025ના પોઈન્ટ્સ ટેબલમાં મચી ઉથલ-પાથલ, પંજાબને ઝટકો, આ ટીમો છે ટોપ પર

ગઇકાલ રવિવારે આઇપીએલની બે મેચ રમાઈ હતી. અને આ મેચો પછી પોઈન્ટ ટેબલમાં ઘણો ફેરફાર થયો છે. મોટી ઉથલ-પાથલ મચી છે. રવિવાર પછી પંજાબ કિંગ્સ ટોપ 3માંથી બહાર નીકળી ગયું છે જ્યારે મુંબઈ ઇન્ડિયન્સે પહેલી વાર નંબર 6 નું સ્થાન મેળવ્યું. રોયલ ચેલેન્જર્સ બેંગ્લોરને પણ ફાયદો થયો છે. ચેન્નાઈ સુપર કિંગ્સ 10મા સ્થાનથી ઉપર આવી શક્યું નથી. CSKને સિઝનમાં છઠ્ઠી હારનો સામનો કરવો પડ્યો છે અને તે આ સિઝનમાં અત્યાર સુધીમાં છ મેચ હારનારી બીજી ટીમ છે.

GT પોઈન્ટ ટેબલમાં નંબર 1

IPL 2025 પોઈન્ટ ટેબલની વાત કરીએ તો ગુજરાત ટાઇટન્સ 7 મેચમાં 10 પોઈન્ટ મેળવીને નંબર વન પર છે. દિલ્હી કેપિટલ્સ પાસે પણ એટલા જ પોઈન્ટ છે પરંતુ GTનો નેટ રન રેટ વધુ સારો છે. રોયલ ચેલેન્જર્સ બેંગ્લોરે પણ 10 પોઈન્ટ મેળવીને ટીમ ત્રીજા સ્થાને છે. પંજાબ કિંગ્સના ખાતામાં પણ 10 પોઈન્ટ છે પરંતુ નેટ રન રેટ અન્ય ત્રણ ટીમોનો સારો છે. લખનૌ સુપર જાયન્ટ્સ પણ 8 મેચ પછી 10 પોઈન્ટ સાથે ટોપ 5 માં છે.

વધુ વાંચો: Video: PBKSને હરાવ્યા બાદ કોહલીએ કરી એવી ચોંકાવનારી હરકત, કે વીડિયો વાયરલ

CSK પોઈન્ટ ટેબલમાં છેલ્લે

તે જ સમયે મુંબઈ ઈન્ડિયન્સ એકમાત્ર એવી ટીમ છે જેના ખાતામાં 8 પોઈન્ટ છે. ટીમ હવે 8 માંથી ચાર મેચ જીતી ચૂકી છે અને છઠ્ઠા સ્થાને છે. કોલકાતા નાઈટ રાઈડર્સ હવે સાત મેચ પછી 6 પોઈન્ટ સાથે સાતમા સ્થાને સરકી ગયું છે. રાજસ્થાન રોયલ્સ આઠમા સ્થાને છે જેણે 8 માંથી ફક્ત બે મેચ જીતી છે. હૈદરાબાદ સનરાઇઝર્સ સાતમાંથી પાંચ મેચ હારી ગયું છે. ચેન્નાઈ સુપર કિંગ્સ 8 માંથી 6 મેચ હારી ગયા પછી છેલ્લા સ્થાને છે અને તેમના ખાતામાં 4 પોઈન્ટ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ