BIG NEWS / ગુજરાતના 45 લાખ રમતવીરો માટે મોટા સમાચાર, 9 જિલ્લામાં બનશે નવા સ્પોર્ટ્સ સંકુલ, મંત્રી હર્ષ સંઘવીએ કરી જાહેરાત

• 'રમશે ગુજરાત જીતશે ગુજરાત' થશે સાર્થક
• હર્ષ સંઘવીની ગૃહમાં જાહેરાત
• 'રાજ્યના 9 જિલ્લામાં બનશે નવા સ્પોર્ટ્સ સંકુલ'

રમશે ગુજરાત જીતશે ગુજરાતના નારાને ચરિતાર્થ કરવા માટે ગુજરાત સરકાર દવારા મહત્વની જાહેરાત કરવામાં આવી છે. રાજ્યના 9 જિલ્લામાં અધતન સ્પોર્ટ સંકુલ તૈયાર કરવામાં આવશે. આ સ્પોર્ટ કોમ્પ્લેક્ષમાં રમત-ગમત ક્ષેત્રે રસ ધરાવતા લોકોને કોચિંગ આપવામાં આવશે.આ સાથે જ યુવાનોને એક પ્લેટફોર્મ પણ મળશે. 

વિધાનસભા ગૃહમાં જાહેરાત
રાજ્યમાં રમત ગમત પ્રવૃતિને પ્રોત્સાહન આપવા માટે વિધાનસભા ગૃહમાં રમતગમત મંત્રી હર્ષ સંઘવીએ મહત્વની જાહેરાત કરતાં કહ્યું કે રાજ્યના 9 જિલ્લામાં નંવા સ્પોર્ટ્સ સંકુલ ઊભા કરવામાં આવશે. મહત્વનું છે કે સ્પોર્ટ્સ સંકુલ બનાવવા બજેટમાં જોગવાઈ પણ કરવામાં આવી હતી. જે પ્રમાણે હવે આ સંકુલો ઝડપી બનાવવાની જાહેરાત કરી મંત્રી હર્ષ સંઘવી દ્વારા કરવામાં આવી છે. 

કયા 9 જિલ્લામાં બનશે સ્પોર્ટ્સ સંકુલ?

• નવસારી, છોટા ઉદેપુર
• વલસાડ, સુરત, મહીસાગર
• દેવભૂમિ દ્વારકા, મોરબી 
• ગીર સોમનાથ ,અરવલ્લી 

સ્પોર્ટમાં આગળ વધવા માગતા યુવાઓ થશે આકર્ષિત 
રમત ગમતમા રસ ધરાવતા લોકોને જરુરી સગવડ મળી રહે તેમજ ભવિષ્યમા  મોટી સ્પોર્ટસ કોમ્પીટીશનના આયોજન ને ધ્યાનમા લઈ ઉપરોક્ત 9 જિલ્લામાં સ્પોર્ટ સંકુલ બનવા જઈ રહ્યા છે. ત્યારે સરકારના આ નિર્ણયથી સ્પોર્ટ ક્ષેત્રે રુચી ધરાવતા યુવાઓને મોટો લાભ થશે સાથે જ સ્પોર્ટમાં આગળ વધવા માગતા યુવાઓ આકર્ષિત થવાની સાથે દરેક પ્રકારની રમત માટે યુવાનોને કોચિંગ પણ મળી રહેશે અને સ્પોર્ટ સંકુલમાં તમામ પ્રકારની સુવિધા ઉપલબ્ધ કરાવી ગુજરાતને રમત ગમત ક્ષેત્રમાં વધુ તેજ ગતિએ આગળ ધપાવાય મદદ મળશે.