IPL 2025 / VIDEO: રસાકસીવાળી મેચમાં પંજાબનો વિજય, KKRને હરાવવાની ખુશીમાં પ્રિટીએ યુઝવેન્દ્ર ચહલને લગાવ્યો ગળે

બોલિવૂડ એક્ટ્રેસ અને પંજાબ કિંગ્સ (PBKS) ની કો-ઓનર પ્રીતિ ઝિન્ટા IPL 2025 ટુર્નામેન્ટમાં કોલકાતા નાઈટ રાઇડર્સ (KKR) સામે લેગ-સ્પિનર ​​યુઝવેન્દ્ર ચહલના મેચ વિજેતા પ્રદર્શનથી ખૂબ જ ખુશ હતી. મેચ પછી પ્રીતિએ યુઝવેન્દ્રને ગળે લગાવ્યો અને તેની પ્રશંસા કરી. મંગળવારે (15 એપ્રિલ)ની મેચમાં યુઝવેન્દ્રએ શાનદાર બોલિંગ કરીને મેચ આખી ફેરવી કાઢી હતી, ચાર મહત્વપૂર્ણ વિકેટો લઈને પંજાબને કોલકત્તા સામે 16 રનથી જીત અપાવી. આ મેચ ચંદીગઢના મુલ્લાનપુર સ્થિત પંજાબ ક્રિકેટ એસોસિએશન સ્ટેડિયમમાં રમાઈ હતી.

આ મેચ પહેલા આ સિઝનમાં ફક્ત બે વિકેટ લેનાર યુઝવેન્દ્રએ શાનદાર 4/28 સાથે પોતાની યોગ્યતા સાબિત કરી અને આ પ્રક્રિયામાં તેની ટીમને IPL ઇતિહાસમાં અત્યાર સુધીના સૌથી ઓછા સ્કોરનો બચાવ કરવામાં મદદ કરી. 112 રનના સામાન્ય લક્ષ્યનો પીછો કરતા, કેકેઆર 9 ઓવર પછી 72/3 થી લથતડવા લાગ્યુ હતું અને અને 15.1ઓવરમાં તો શાહરૂખ ખાનની આખી ટીમ 95 રનમાં ઓલઆઉટ થઈ ગઇ હતી.

જીત પછી, ફ્રેન્ચાઇઝની સહ-માલિક પ્રીતિ ખૂબ જ ખુશ થઈ ગઈ. તે જમીન પર પહોંચી જ્યાં તેણે યુઝવેન્દ્રને ગળે લગાવ્યો અને તેની સાથે વાત કરી. આ ક્ષણ કેમેરામાં કેદ થઈ ગઈ અને ઝડપથી સોશિયલ મીડિયા પર ચર્ચાનો વિષય બની ગઈ. ચાહકોએ તેમના અને ખેલાડીઓ વચ્ચેના બંધનની પ્રશંસા કરી. વીડિયોમાં, તે ક્રિકેટર સાથે વાત કરતી વખતે ખૂબ જ ખુશ દેખાય છે. એક વીડિયોમાં, પ્રીતિ મેચના રોમાંચને ફરીથી જીવી રહી હતી અને પોતાનો ઉત્સાહ વ્યક્ત કરતી વખતે ધ્રૂજતા હાથ બતાવી રહી હતી.

એક યુઝરે કમેન્ટ કરી, "આનાથી સારા અંતની આશા નહોતી કરી શકાય એમ હતી" જ્યારે બીજા યુઝરે કમેન્ટ કરી, "સુંદર ઝિન્ટા, તે કેટલી સારી માલકિન છે..."

વધુ વાંચો- રોહિત શર્માને MCAની મોટી ભેટ, વાનખેડે સ્ટેડિયમમાં મળશે આ ખાસ સન્માન

વર્ક ફ્રન્ટ પર પ્રીતિ ઝિન્ટા

રાજકુમાર સંતોષીના દિગ્દર્શન હેઠળની ફિલ્મ 'લાહોર 1947' સાથે પ્રીતિ હિન્દી ફિલ્મ ઉદ્યોગમાં વાપસી કરવા માટે તૈયાર છે. આ પ્રોજેક્ટ સાથે, તે લાંબા વિરામ પછી રૂપેરી પડદે પરત ફરી રહી છે. લાહોર 1947 આમિર ખાન પ્રોડ્યુસ કરી રહ્યો છે અને ફિલ્મમાં સની દેઓલ, શબાના આઝમી, અલી ફઝલ અને કરણ દેઓલ પણ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ