IPL 2025 / કિંગ કોહલીનો કમાલ! RCBનો બદલો પૂરો, પંજાબને ઘર આંગણે 7 વિકેટથી હરાવ્યું

બેંગ્લોરે પંજાબને હરાવ્યું

IPL 2025 ની 37મી મેચમાં, રોયલ ચેલેન્જર્સ બેંગ્લોરે પંજાબ કિંગ્સને તેમના ઘરઆંગણે હરાવ્યું. ટીમે અત્યાર સુધી બહારની મેચોમાં તેનો 100 ટકા જીતનો રેકોર્ડ જાળવી રાખ્યો છે. RCB જે ત્રણ મેચ હારી છે, તે તેમના હોમ ગ્રાઉન્ડ પર હારી છે. ટીમે ઘરઆંગણે રમાયેલી તેની પાંચેય મેચ જીતી છે. વિરાટ કોહલી 73 રન બનાવીને અણનમ રહ્યો. તો દેવદત્ત પડિકલે 61 રન બનાવ્યા હતા. જીત સાથે, બેંગલુરુની ટીમ 10 પોઈન્ટ સાથે પોઈન્ટ ટેબલમાં ત્રીજા સ્થાને પહોંચી ગઈ છે. અને, પંજાબની ટીમ ચોથા સ્થાને સરકી ગઈ છે. તેના પણ 10 પોઈન્ટ છે. પંજાબે અત્યાર સુધી આઠમાંથી પાંચ મેચ જીતી છે અને ત્રણમાં હારનો સામનો કરવો પડ્યો છે.

પંજાબે 157 રનનો આપ્યો હતો ટાર્ગેટ

પંજાબે 20 ઓવરમાં છ વિકેટ ગુમાવીને 157 રન બનાવ્યા હતા. ટોસ હારીને પહેલા બેટિંગ કર્યા બાદ પંજાબની શરૂઆત સારી રહી હતી. પ્રિયાંશ આર્ય અને પ્રભસિમરન સિંહે 26 બોલમાં 42 રન જોડ્યા હતા. જોકે, આ પછી, પંજાબનો મિડલ ઓર્ડર લથડી ગયો અને ટીમનો સ્કોર 68 રનમાં ત્રણ વિકેટે થઈ ગયો.

પંજાબની ટીમે પ્રથમ બેટિંગ કરીને સારી શરૂઆત કરી હતી. પ્રિયાંશ આર્ય અને પ્રભસિમરન સિંહે 26 બોલમાં 42 રનની ઓપનિંગ ભાગીદારી કરી. કૃણાલે પાંચમી ઓવરમાં પ્રિયાંશને ટિમ ડેવિડના હાથે કેચ આઉટ કરાવ્યો. પછી તેણે સાતમી ઓવરમાં પ્રભસિમરન સિંહને ડેવિડના હાથે કેચ આઉટ કરાવ્યો. પ્રિયાંશે 15 બોલમાં ત્રણ ચોગ્ગા અને એક છગ્ગાની મદદથી 22 રન બનાવ્યા,

વધુ વાંચો: આ દિગ્ગજ કંપનીઓ કરવા જઈ રહી છે મોટા પાયે છટણી, 800 લોકોની યાદી તૈયાર!

PKBS VS RCB બંને ટીમોની પ્લેઇંગ 11

રોયલ ચેલેન્જર્સ બેંગ્લોરઃ ફિલ સોલ્ટ, વિરાટ કોહલી, રજત પાટીદાર (કેપ્ટન), ટિમ ડેવિડ, રોમારિયો શેફર્ડ, જીતેશ શર્મા (વિકેટકીપર), કૃણાલ પંડ્યા, ભુવનેશ્વર કુમાર, જોશ હેઝલવુડ, સુયશ શર્મા, યશ દયાલ.

પંજાબ કિંગ્સ: પ્રભસિમરન સિંઘ , પ્રિયાંશ આર્ય, નેહલ વાધેરા, શ્રેયસ ઐયર (કેપ્ટન), શશાંક સિંઘ, જોશ ઇંગ્લિસ (વિકેટકીપર), માર્કસ સ્ટોઇનિસ, માર્કો જેન્સેન, ઝેવિયર બાર્ટલેટ, અર્શદીપ સિંહ, યુઝવેન્દ્ર ચહલ

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ