ખુશી / લગ્નના 8 વર્ષ બાદ આ ક્રિકેટરના ઘરે પારણું બંધાયું, પુત્રનો થયો જન્મ, જાણો શું નામ રાખ્યું

IPL 2025 : IPL 2025ના ઉત્સાહ વચ્ચે એક સારા સમાચાર સામે આવ્યા છે. વાસ્તવમાં આ સમાચાર ભારતીય ક્રિકેટર ઝહીર ખાનને લઈને છે. ઝહીર ખાન પિતા બની ગયો છે. તેમની પત્ની સાગરિકા ઘાટગે ખાને એક પુત્રને જન્મ આપ્યો છે. ઘરે આવેલા આ સારા સમાચાર વચ્ચે બીજી એક રસપ્રદ વાત એ છે કે, ઝહીર ખાને પોતાના પુત્રને જે નામ આપ્યું છે તે થોડું અલગ છે.

ઝહીર ખાનના પિતા બનવાના સમાચાર 16 એપ્રિલની સવારે તેમની પત્ની સાગરિકા ઘાટગેની ઇન્સ્ટા પોસ્ટ પરથી મળ્યા. સાગરિકાએ પોતાના ઇન્સ્ટાગ્રામ પર લખ્યું કે, તેમના ઘરે એક બાળકનો જન્મ થયો છે, જેનું નામ ફતેહ સિંહ ખાન છે.

ક્રિકેટર ઝહીર ખાન અને સાગરિકાના 2017માં થયા હતા લગ્ન

ભારતીય ટીમના ભૂતપૂર્વ ક્રિકેટર ઝહીર ખાને 23 નવેમ્બર 2017 ના રોજ ચક દે ઈન્ડિયા અભિનેત્રી સાગરિકા ઘાટગે સાથે લગ્ન કર્યા હતા. બંનેએ રજિસ્ટર્ડ મેરેજ કર્યા હતા ત્યારબાદ મુંબઈમાં એક ભવ્ય રિસેપ્શન આપવામાં આવ્યું હતું. આ પહેલા ઝહીર ખાને બોલિવૂડ અભિનેત્રી ઈશા શેરવાનીને 8 વર્ષ સુધી ડેટ કરી હતી. 2011 ના વર્લ્ડ કપ દરમિયાન તેમના લગ્નના સમાચાર આવ્યા હતા પરંતુ તે પછી તેમના સંબંધોનો અંત આવ્યો અને સાગરિકા તેમના જીવનમાં આવી. ઝહીર ખાનના ક્રિકેટ કરિયરની વાત કરીએ તો 14 વર્ષના આંતરરાષ્ટ્રીય કરિયરમાં તેણે 92 ટેસ્ટ મેચમાં 311 વિકેટ, 200 વનડે મેચમાં 242 વિકેટ અને 17 T20 મેચમાં 17 વિકેટ ઝડપી છે. તેમણે 2011 ના ODI વર્લ્ડ કપ વિજયમાં મહત્વપૂર્ણ ભૂમિકા ભજવી હતી.

View this post on Instagram

A post shared by Sagarika Z Ghatge (@sagarikaghatge)

વધુ વાંચો : VIDEO : લવર બોય બન્યો MS ધોની, હાથમાં રેડ બલૂન સાથે રોમેન્ટિક અંદાજમાં જોવા મળ્યો

IPL 2025માં વ્યસ્ત છે ઝહીર ખાન

ઝહીર ખાન આ દિવસોમાં IPL 2025 માં વ્યસ્ત છે. આ સિઝનમાં તે લખનૌ સુપર જાયન્ટ્સના બોલિંગ કોચ છે. ઝહીર ખાને IPL 2025 માં અત્યાર સુધીમાં 7 મેચ રમી છે, જેમાંથી તેણે 4 જીતી છે અને 3 હારનો સામનો કરવો પડ્યો છે. હાલમાં, ઝહીર ખાનની ટીમ પોઈન્ટ ટેબલમાં 5મા ક્રમે છે. IPL 2025 માં આગામી મેચ લખનૌ સુપર જાયન્ટ્સ અને રાજસ્થાન રોયલ્સ વચ્ચે 19 એપ્રિલે રમાશે. આવી સ્થિતિમાં, શક્ય છે કે ઝહીર ખાન જયપુરમાં યોજાનારી મેચ પહેલા તેની પત્ની અને પુત્ર સાથે થોડો સમય વિતાવતો જોવા મળે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ