ક્રિકેટ / ભારત-સાઉથ આફ્રિકાની પહેલી T-20 મેચ, આ પ્લેઇંગ XI સાથે ઉતરી શકે છે ટીમ ઇન્ડિયા

આગામી વર્ષે ઓક્ટોબરમાં ઓસ્ટ્રેલિયામાં થનારા T-20 માટે ટીમ ઇન્ડિયાનો યોગ્ય બેલેન્સ કરવાની તૈયારીમાં કેપ્ટન વિરાટ કોહલી અને હેડ કોચ રવિ શાસ્ત્રી લાગી ગયા છે. હવે એવામાં ઘણા સવાલ એવા છે જેનો જવાબ ટીમ મેનેજમેન્ટને 13 મહિનામાં આપવાનો છે અને આ દરમિયાન IPLનું પણ આયોજન કરવામાં આવશે. 

ઑપનર:

રોહિત શર્મા અને શિખર ધવનની જોડી ઑપનિંગ કરવા માટે આવશે. સલામી બેટ્સમેન રોહિત શર્મા શાનદાર ફોર્મમાં છે. વર્લ્ડ કપમાં ઇજાગ્રસ્ત થવાને કારણે બહાર થયેલા શિખર ધવન હજુ સુધી ઠીક ફોર્મમાં રહેલો છે. 

નંબર 3:

નંબર 3 પણ કેપ્ટન પોતે ઉતરશે. ગત T-20 સીરિઝમાં વિરાટ કોહલીનું ફોર્મ ઠીક હતુ. એવામાં કેપ્ટન વિરાટ કોહલીને સાઉથ આફ્રિકાના વિરુદ્ઘ ધમાકેદાર વાપસી કરવી પડશે.

નંબર 4:

નંબર 4 પર શ્રેયસ અય્યર આવી શકે છે. મનીષ પાંડે ગત વર્ષોથી ટીમની સાથે છે અને કર્ણાટકના આ બેટ્સમેનને પોતાને પ્રૂવ કરવા માટે ઘણા મૌકા મળ્યા, પરંતુ આત્મવિશ્વાસની સાથે તે રમી ના શક્યો. તો ચોથા નંબર પર શ્રેયસ અય્યર રમી શકે છે, જે વેસ્ટ ઇન્ડિઝ પ્રવાસ પર વનડે સીરિઝમાં શાનદાર ફોર્મમાં હતો. 

નંબર 5:

રિષભ પંત પર વિકેટકીપિંગ અને નંબર 5 પર બેટિંગ કરવા માટે આવશે. ટીમ મેનેજમેન્ટ રિષભ પંતથી નારાજ લાગી રહ્યુ છે. જોકે અનુભવી વિકેટકીપર-બેટ્સમેન ધોનીના ભવિષ્યને લઇને કોઇ સ્પષ્ટતા નથી જેનાથી રિષભ પંતને 3 ફોર્મેટમાં સ્થાન મળ્યુ છે. 

ઑલરાઉન્ડર:

ક્રૂણાલ પંડ્યા અને તેના ભાઇ હાર્દિક પંડ્યા ઑલરાઉન્ડરની ભૂમિકામાં હશે. સ્પિનમાં ક્રૂણાલ પંડ્યા બેટ્સમેનને આઉટ કરવામાં મદદ કરશે ,હાર્દિક પંડ્યા પોતાની ફાસ્ટ બૉલિંગથી બેટ્સમેનની વિકેટો પોતાના નામે કરશે. આ સાથે બંને ભાઇઓ શાનદાર બેટિંગ પણ કરી જ લે છે. 

સ્પિન ડિપાર્ટમેન્ટ:

આ મેચમાં સ્પિન ડિપાર્ટમેન્ટમાં રવિન્દ્ર જાડેજાની સાથે ઑફ સ્પિન વૉશ્ગિંટન સુંદર રમી શકે છે. રવિન્દ્ર જાડેજાની રમતથી બેટિંગ ઓર્ડરને મજબૂતી મળશે. આ સાથે જ રવિન્દ્ર જાડેજા ફિલ્ડિંગ પણ શાનદાર કરે છે. 

ફાસ્ટ બૉલર્સ:

ધર્મશાલાની પિચથી ફાસ્ટ બૉલર્સને મદદ મળશે. દીપક ચાહર અને નવદીપ સૈનીને પહેલી T-20 મેચમાં મૌકો આપવામાં આવી શકે છે. આ બંને વેસ્ટ ઇન્ડિઝની વિરુદ્ઘ ગત T-20 સીરિઝમાં શાનદાર ફોર્મમાં હતો.