ટીમ ઇન્ડિયાનો ઓલરાઉન્ડર હાર્દિક પંડ્યા ખરાબ સમયમાંથી પસાર થઇ રહ્યો છે. તાજેતરમાં જ ઓલરાઉન્ડર હાર્દિક પંડ્યા અને ઓપનિંગ બેટ્સમેન કે.એલ.રાહુલ કરણ જોહરના ટોક શો 'કૉફી વિથ કરણ'માં આપેલા આપત્તિજનક નિવેદનોને કારણે ચર્ચામાં છે. આ વિવાદોને કારણે હાર્દિક પંડ્યા અને કે.એલ.રાહુલને ઓસ્ટ્રેલિયા તથા ન્યૂઝીલેન્ડ પ્રવાસ માટે સસ્પેન્શન કરી દેવામાં આવ્યા છે. BCCIના આગામી નિર્ણય સુધી આ ખિલાડીઓ સસ્પેન્ડ રહેશે.
25 વર્ષના હાર્દિક પંડ્યાએ આ વાતને લઇને ખુલાસો કર્યો છે. હાર્દિકના પિતાએ એક ઇન્ટરવ્યૂમાં જણાવ્યુ કે ''હાર્દિક આ સસ્પેન્શનથી ખૂબ જ નિરાશ છે. ટીવી શોમાં આવેલા નિવેદનોની ભૂલ તેને સમજાઇ છે. તેણે વિશ્વાસ અપાવ્યો છે કે તે આગળ પણ આ પ્રકારની ભૂલ નહી કરે. અમે પણ નક્કી કર્યુ છે કે આ વિષય પર કોઇ વાતચીત નહી કરવામાં આવે.''
હાર્દિકના પિતા હિંમાશુ પંડ્યાએ આગળ કહ્યુ કે ''જ્યારથી હાર્દિક ઓસ્ટ્રેલિયાથી પરત ફર્યો છે ત્યારથી ઘરની બહાર નથી નીકળ્યો કોઇની સાથે ફોન પર વાતચીત નથી કરી રહ્યો તેણે ઉત્તરાયણનો શોખ હોવા છતાં આ નિરાશાને કારણે તેને પતંગ પણ નથી ચગાવ્યા અને સંક્રાંતિ પણ નથી ઉજવી. તેના ભાઇ ક્રૂણાલ પંડ્યાએ પણ આ વિશે હાર્દિકની સાથે કોઇ પણ પ્રકારની વાતચીત નથી કરી. અમે BCCIના નિર્ણયની રાહ જોઇ રહ્યા છે.''
તમને જણાવી દઇએ કે હિંમાશું પંડ્યાએ દિકરાને બચાવ કરતા કહ્યુ કે ''હાર્દિકે જ પણ કહ્યુ તે મસ્તીમાં કહ્યુ હતુ તેને ગંભીરતાથી લેવાની જરૂર નથી. હાર્દિકે ઓડિયન્સને એન્ટરટેન કરી.'' જોકે શોમાં હાર્દિકે જે ખુલાસા કર્યો છે તેનાથી ક્રિકેટરનો છાપને નુકસાન પહોંચ્યુ છે.
ઓસ્ટ્રેલિયામાં એક પ્રેસ કોન્ફરન્સ દરમિયાન વિરાટ કોહલીએ કહ્યુ કે ''ભારતીય ક્રિકેટ ટીમનો ભાગ હોવા પર અને જવાબદાર ક્રિકેટર હોવાને કારણે અમે તેના નિવેદન અને વિચારોની સાથે સંબંધ નથી રાખતા તે તેમના નિજી વિચારો છે.''
કરણ જોહર પોતાના શોમાં ખેલાડીઓને તેમના અંગત જીવન પર કેટલાક સવાલો કર્યા હતા. આ દરમિયાના હાર્દિક પંડ્યાએ પોતાના રિલશનશિપ ડેટિંગ અને મહિલાઓ વિશે જવાબ આપીને ફેન્સને ચોંકાવી દીધા હતા. પંડ્યાએ જણાવ્યુ કે ''જ્યારે મેં પહેલી વખત મારી વર્જિનિટી ગુમાવી ત્યારે મેં મારા ઘરે મારા પેરેન્ટ્સ ઓપન માઇન્ડેડ છે તો મેં ઘરે જઇને કહ્યુ કે આજે તો હું કરીને આવ્યો છું.''
આ સિવાય પંડ્યાએ એક કિસ્સો યાદ કરતા કહ્યુ કે ''એક વખત તે તેના માતા-પિતા સાથે પાર્ટીમાં ગયો હતો અને જ્યારે માતા-પિતાએ જણાવ્યુ કે કઇ મહિલાને તે જોઇ રહ્યો છે? તો તેણે કહ્યુ અહીંયા આવેલી તમામ મહિલાઓને જાણું છું.''