IPL 2025 / VIDEO: ચેન્નાઈ સુપર કિંગ્સનું નામ સાંભળીને રોહિત શર્માને આવ્યો ગુસ્સો, હાથથી દબાવી ગ્લાસ તોડ્યો

IPL 2025 માટે   ફેન્સ આતુરતાથી રાહ જોઈ રહ્યા છે, કેમ કે આના એક બીજા જ  દિવસે સૌથી સફળ ટીમ વચ્ચે મેચ છે. આપણે અહીં ચેન્નઈ સુપર કિંગ્સ અને મુંબઇ ઇન્ડિયન્સની વાત કરી રહ્યા છીએ. આ બંને ટીમો 5-5 વખત આ ખિતાબ જીત્યો છે અને એકબીજાની સૌથી મોટી વિરોધી ટીમ માનવામાં આવી રહી છે. સ્વાભાવિક છે કે 23 માર્ચે થનારી મેચ માટે ફેન્સ અને ખેલાડી ઉત્સાહિત હશે. પરંતુ આ મેચ પહેલા મુંબઈની ટીમના પૂર્વ કેપ્ટન રોહિત શર્મા ખૂબ ગુસ્સામાં  નજરે પડ્યો છે. CSK નું નામ સાંભળતાની સાથે જ તેનો ચહેરો ગુસ્સાથી લાલ થઈ ગયો અને તેને સામે રાખેલા જ્યુસના ગ્લાસને કચડી નાખ્યો અને તેને તોડી નાખ્યો.

Bro has some serious problems with dhobi and CSK.😭😭 pic.twitter.com/lm7iLXRtIN

— 𝐕𝐢𝐬𝐡𝐮 (@Ro_45stan) March 15, 2025

CSK ના નામથી કેમ આવ્યો ગુસ્સો?

CSK અને MI વચ્ચેની મેચ માટે માહોલ પહેલાથી જ તૈયાર થવા લાગ્યો છે. આનો પ્રચાર કરવા માટે, બ્રોડકાસ્ટર્સે એક પ્રમોશનલ વીડિયો બનાવ્યો છે, જેમાં રોહિત શર્મા અને હાર્દિક પંડ્યા જોવા મળી રહ્યા છે. તે બંને એક રેસ્ટોરન્ટમાં બેઠા છે. આ દરમિયાન રોહિત પૂછે છે કે 'તારી પહેલી મેચ ક્યારે છે?' આ પછી પંડ્યા વેઈટરને ફોન કરે છે અને જવાબ આપે છે 'રવિવાર, CSK'. આ સાંભળીને રોહિત ગુસ્સે થઈ જાય છે અને કાચને હાથથી દબાવીને તોડી નાખે છે. પછી પંડ્યા હસતાં હસતાં વેઈટરને તેને સાફ કરવાનું કહે છે.

IPL 2025 માં CSK અને MI વચ્ચે બે મેચ રમાશે. પહેલો મુકાબલો 23 માર્ચે ચેન્નઈ  ચેપોક સ્ટેડિયમમાં રમાશે. ત્યારે બંને ટીમો વચ્ચે બીજો મુકાબલો 20 એપ્રિલે મુંબઈના વાનખેડે સ્ટેડિયમ ખાતે રમાશે. આ સમય દરમિયાન, નજર રોહિત શર્મા અને મહેન્દ્ર સિંહ ધોની પર રહેશે. આ ધોની માટે છેલ્લી IPL હોઈ શકે છે.

વધુ વાંચો: VIDEO : સાથી મિત્રોને જોઈને જ ખુશીથી ઝૂમી ઉઠી સુનિતા વિલિયમ્સ, સ્પેસમાંથી આવ્યો ઉજવણીનો વીડિયો

કેવો છે રેકોર્ડ?

MI અને CSK  ની ગણતરી IPL ની સૌથી મજબૂત ટીમોમાં થાય છે. બંને ટીમો સતત સારું પ્રદર્શન કરવા માટે જાણીતી છે. મુંબઈ અને ચેન્નઈ વચ્ચે હંમેશા રોમાંચક મુકાબલો થાય છે. પરંતુ આજે જાણો કે આ નજીકની સ્પર્ધામાં કઈ ટીમનો દબદબો રહ્યો છે. હકીકતમાં, IPL ની છેલ્લી 17 સીઝનમાં, બંને વચ્ચે 37 મેચ રમાઈ છે. આ સમયગાળા દરમિયાન, મુંબઈએ 20 મેચ જીતી છે. જ્યારે ચેન્નાઈની ટીમ 17 મેચમાં વિજેતા રહી છે. આના પરથી બંને વચ્ચેની રાઇવલરીનો અંદાજ લગાવી શકાય છે. જોકે, આંકડાઓ પર નજર કરીએ તો, મુંબઈ હાલમાં આ સ્પર્ધામાં આગળ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ