IPL 2025 / પંજાબે સૌથી લોએસ્ટ સ્કોર ડિફેન્ડ કર્યો, જાણો ડિફેન્ડિંગ ચેમ્પિયન KKRની હારના 3 મોટા કારણો

ટોસ પંજાબના કેપ્ટન શ્રેયસ અય્યરે જીત્યો અને પહેલાં બેટિંગ કરવાનો નિર્ણય લીધો. પરંતુ કોલકાતાના બોલરોંએ શાનદાર બોલિંગ કરતા પંજાબની આખી ટીમને માત્ર 111 રનમાં સમેટી દીધી. તેમ છતાં, પંજાબના બોલરોંએ પણ એટલી જ શાનદાર બોલિંગ કરી અને કોલકાતાને માત્ર 95 રનમાં ઓલઆઉટ કરી નાખી. આ રીતે પંજાબ કિંગ્સે આ રોમાંચક મેચ 16 રને જીતી લીધી.

ક્વિન્ટન ડી કોકની ખરાબ ફોર્મ

ક્વિન્ટન ડી કોકની ખરાબ ફોર્મ KKR માટે માથાનો દુખાવો બની ગઈ છે. અત્યારસુધીમાં તેઓ ટીમને સારી શરૂઆત આપી શક્યા નથી. તેમણે આ સીઝનમાં 7 મેચમાં માત્ર 143 રન બનાવ્યા છે. પંજાબ સામેના મેચમાં પણ તેઓ 4 બોલમાં માત્ર 2 રન બનાવી શક્યા હતા. તેમનું આ રીતે નિષ્ફળ જવું પણ KKRની હારનું એક મોટું કારણ રહ્યો.

રહાણે દ્વારા DRS ન લેવું

પંજાબ સામેના મેચમાં રહાણેએ 17 બોલમાં 17 રનની ઇનિંગ્સ રમી હતી. તેમની આ ઇનિંગ દરમિયાન તેઓ સારા લયમાં લાગી રહ્યાં હતા. ત્યારે ચહલની બોલ પર તેમને LBW આપવામાં આવ્યા હતા. તેમનાં પાસે DRS લેવાનો મોકો હતો, પણ તેમણે તે નથી લીધો. રિપ્લેમાં સ્પષ્ટ દેખાઈ રહ્યું હતું કે તેઓ નોટઆઉટ હતા. અંગક્રિશ રઘુવંશી એ પણ તેમને DRS લેવા કહ્યું હતું, છતાં પણ રહાણેએ તેમની વાત નથી માની. તેનું નુકસાન KKRને છેલ્લે થયું.

લોઅર મિડલ ઓર્ડરનો નિષ્ફળ પ્રયાસ

KKRનો લોઅર મિડલ ઓર્ડર ઘણાં સમયથી સંઘર્ષ કરી રહ્યો છે. આ મેચમાં પણ લોઅર મિડલ ઓર્ડર સંપૂર્ણપણે નિષ્ફળ રહ્યો.

વધુ વાંચો: શ્રેયસને 'શ્રેય'! લો સ્કોરિંગ મેચમાં પંજાબે મારી બાજી, KKR સામે 16 રનથી ભવ્ય વિજય

રીંકુ સિંહ (2), વેંકટેશ અય્યર (7) અનેરમણદીપ સિંહ (0) એકદમ ફ્લોપ રહ્યા. આ કારણસર પણ KKRને આ મેચમાં હારનો સામનો કરવો પડ્યો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ