IPL 2025 / 23મીએ ચેન્નઇમાં રમાશે CSK vs MI મેચ, આ રીતે બુક કરાવો ઓનલાઇન ટિકિટ, જાણો પ્રાઇઝ

IPL 2025 ની શરૂઆત 22 માર્ચથી થઈ રહી છે. પહેલી મેચ કોલકાતા નાઇટ રાઇડર્સ અને રોયલ ચેલેન્જર્સ બેંગલુરુ વચ્ચે રમશે. ત્યારે ચાહકો આઈપીએલની બે સૌથી સફળ ટીમો, ચેન્નઈ સુપર કિંગ્સ અને મુંબઈ ઇન્ડિયન્સ વચ્ચે થનારી મેચની આતુરતાથી રાહ જોઈ રહ્યા છે. CSK અને મુંબઈ ઇન્ડિયન્સ વચ્ચેનો રોમાંચક મુકાબલો 23 માર્ચે એમએ ચિદમ્બરમ સ્ટેડિયમ ખાતે રમાશે. ત્યારે હવે ચાહકો આ મેચ માટે ટિકિટ બુક કરાવવા માટે આતુર છે.

આજથી લાઇવ થઈ રહી છે મેચની ટિકિટ

23 માર્ચે ચેન્નઈ સુપર કિંગ્સ અને મુંબઈ ઇન્ડિયન્સ મેચની ટિકિટ આજે સવારે 10:15 વાગ્યાથી લાઈવ થઈ ગઈ છે. અહેવાલો અનુસાર, મેચની ટિકિટો ટૂંક સમયમાં વેચાઈ જવાની ધારણા છે કારણ કે બંને ટીમોના ચાહકો મોટી સંખ્યામાં છે અને ટિકિટ ખરીદવા માટે આતુરતાથી રાહ જોઈ રહ્યા છે.

ટિકિટના ભાવ

• ટાવર C/D/E (લોઅર) - 1,700 રૂપિયા
• ટાવર I/J/K (અપર) - 2,500 રૂપિયા
• ટાવર C/D/E (અપર) - 3,500 રૂપિયા
• ટાવર I/J/K (લોઅર) - 4,000 રૂપિયા
• ટાવર કેએમકે (ટેરેસ) - 7,500 રૂપિયા

ક્યાંથી બુક કરાવી શકાય ટિકિટ?

જો સ્ટેડિયમમાં બેસીને CSK અને મુંબઈ ઇન્ડિયન્સ વચ્ચેની મેચ જોવી હોય તો chennaisuperkings.com પર લોગ ઇન કરીને ટિકિટ બુક કરી શકાય છે. ટિકિટ ખરીદવા માટે સ્ટેડિયમની બહાર લાઇનમાં ઊભા રહેવાની જરૂર નહીં પડે.

આ પણ વાંચો: CSKના ટ્રેનિંગ સેશનમાં ધોનીએ ફટકાર્યો એવો હેલિકોપ્ટર શોટ, કે Video વાયરલ, ફેન્સને યાદ આવ્યા જૂનાં દિવસો

પહેલી મેચમાં નહીં રમે હાર્દિક પંડ્યા

આઈપીએલ 2025 સીઝન-18 ની પોતાની પહેલી મેચ મુંબઈ ઇન્ડિયન્સના કેપ્ટન હાર્દિક પંડ્યા રમશે નહીં. ગયા સિઝનમાં કરેલી ભૂલને કારણે તેના પર એક મેચનો પ્રતિબંધ મૂકવામાં આવ્યો છે. હવે જોવાનું એ રહે છે કે પહેલી મેચમાં કયો ખેલાડી મુંબઈ ઇન્ડિયન્સનો કેપ્ટન બનશે?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ