સ્પોર્ટ્સ / Video: હેલ્મેટ વિના બેટ્સમેન ગયા બેટિંગ કરવા, અને બોલ સીધો જ મોઢા પર આવ્યો, પછી જે હાલ થયાં...!

ક્રિકેટમાં રોમાંચ તો હોય જ છે, પણ સાથે જ ક્યારેક ખતરો પણ ઉભો થાય છે. વેસ્ટ ઇન્ડિઝમાં ચાલી રહેલી બ્રેકઆઉટ ટી20 લીગની એક મેચમાં પણ આવું જ કંઈક જોવા મળ્યું, જ્યાં હેલ્મેટ વગર બેટિંગ કરી રહેલા એક બેટ્સમેનના ચહેરા પર બોલ વાગી ગયો. જે બેટ્સમેન સાથે આ ઘટના ઘટી, તેનું નામ એલિક એથાનાઝ છે. લાઈવ મેચમાં જ્યારે કેરેબિયન બેટ્સમેન સાથે આ ઘટના ઘટી ત્યારે તે અડધી સદી ફટકારીને જોરદાર બેટિંગ કરી રહ્યો હતો.

ઇજાગ્રસ્ત થયા પહેલા 34 બોલમાં પૂરી કરી અડધી સદી

બ્રેકઆઉટ ટી20 લીગમાં વિન્ડવર્ડ આઇલેન્ડ અને ગુયાના રેઈનફોરેસ્ટ વચ્ચે મેચ રમાઈ રહી હતી. આ મેચમાં, વિન્ડવર્ડ આઇલેન્ડની ટીમ પહેલા બેટિંગ કરવા આવી. એલિક એથાનાઝ પણ આ ટીમ ભાગ હતા, જે ફક્ત 9 રનના સ્કોર પર ઓપનિંગ જોડી તૂટી ગયા બાદ બેટિંગ કરવા આવ્યો હતો. એથાનાઝે આક્રમક બેટિંગ દર્શાવી અને માત્ર 34 બોલમાં પોતાની અડધી સદી પૂર્ણ કરી લીધી.

View this post on Instagram

A post shared by @breakoutt20

50 રનના સ્કોર પર બેટિંગ કરતા સમયે બની આ ઘટના

50 ના સ્કોર પર રમતી વખતે, એથેનાઝે સામેના સ્પિનરને જોઇને હેલ્મેટ પહેર્યું ન હતું. અને પછી તેની સાથે આ ઘટના બની. ગુયાના રેઈનફોરેસ્ટ ટીમના સ્પિનર ​​લતીફના આગલા બોલ પર શોટ મારવાના ચક્કરમાં એથાનાઝથી શોટનો સમય મિસ થયો અને બોલ સીધો તેના ચહેરા પર વાગી ગયો. બોલ વાગતાની સાથે જ એથાનાઝે તેનું મોં પકડી લીધું. સદનસીબે, તેને કોઈ ગંભીર ઈજા થઈ ન હતી અને તે ફરીથી રમવા માટે તૈયાર થઈ ગયો. પરંતુ તે ઘટનાએ ચોક્કસ લોકોને એક ક્ષણ માટે આઘાત આપી દીધો હતો.

આ પણ વાંચો:

એથાનાઝે બનાવ્યા 91 રન

ઈજા થયા પછી તરત જ એથાનાઝે બીજા જ બોલે સિક્સર ફટકારી. તેણે પોતાના સ્કોરમાં વધુ 41 રન ઉમેર્યા. એલિક એથાનાઝે 57 બોલમાં 5 ચોગ્ગા અને 7 છગ્ગાની મદદથી 91* રન બનાવી અણનમ રહ્યા. તેની શાનદાર ઇનિંગ્સને કારણે વિન્ડવર્ડ આઇલેન્ડ્સે 20 ઓવરમાં 166 રન બનાવ્યા. જવાબમાં, 167 રનને ચેઝ કરતી ગુયાના રેઈનફોરેસ્ટ ફક્ત 141 રન બનાવી શકી અને 25 રનથી મેચ હારી ગઈ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ