ક્રિકેટ / IPL 2026માં KKRના આ 5 ખેલાડીઓ જોવા નહીં મળે, જાણો શું છે તેની પાછળનું કારણ?

KKRના ફેન્સે આશા રાખી હતી કે હાલના સીઝનમાં પણ ટીમ શાનદાર દેખાવ કરી ટાઇટલ બચાવવામાં સફળ રહેશે, પરંતુ એવું બની ન શક્યું. IPLના 18મા સીઝનની 58મી મેચ ગઈકાલ એટલે કે 17 મે, 2025 એ રોયલ ચેલેન્જર્સ બેંગ્લોર અને કોલકાતા નાઇટ રાઈડર્સ વચ્ચે એમ. ચિન્નાસ્વામી સ્ટેડિયમ ખાતે રમાઈ હતી.

ફેન્સને આશા હતી કે અજિંક્ય રહાણેની આગેવાની હેઠળની ટીમ આ મેચ જીતી પ્લેઓફમાં પહોંચવાની સંભાવનાઓ જીવંત રાખશે. પણ ભાગ્ય એ સાથ ન આપ્યો અને વરસાદના કારણે મેચ રદ થઇ ગઈ. બંને ટીમોને એક-એક પોઈન્ટ મળ્યા અને સાથે સાથે KKRનું પ્લેઓફનું સપનું પણ તૂટ્યું.

હાલના સીઝનમાં ફ્રેંચાઈઝીને પોતાના કેટલાક સ્ટાર ખેલાડીઓ પાસેથી ઉમદા દેખાવની અપેક્ષા હતી, પણ તે અપેક્ષાઓ પર તેઓ ખરા ઉતરી શક્યા નહીં. હવે એવી શકયતા છે કે ફ્રેંચાઈઝી આવનાર સીઝનમાં આ મોટા નામોથી દૂરી બનાવી શકે છે. આ પાંચ ખેલાડીઓ નીચે મુજબ છે:

વેંકટેશ અય્યર

મધ્ય પ્રદેશના આ ઓલરાઉન્ડર વેંકટેશ અય્યરને KKRએ પહેલા રિટેન કર્યો હતો નહીં. પરંતુ ઓકશનમાં તેમને 23.75 કરોડ રૂપિયામાં ખરીદીને ટીમમાં સામેલ કર્યો. તેમ છતાં, તેઓ 11 મેચમાં માત્ર 142 રન જ બનાવી શક્યા. તેમજ તેઓએ એકપણ વખત બોલિંગ કરી નહીં. આવાં નિષ્ફળ દેખાવ બાદ એ કહેવું ખોટું નહીં થાય કે આવતા સીઝનમાં તેમને ફરીથી ટીમમાં જગ્યા મળવી મુશ્કેલ છે.

ક્વિંટન ડી કોક્ક

દક્ષિણ આફ્રિકાના વિકેટકીપર ક્વિંટન ડી કોક્કથી ટીમે ઘણી અપેક્ષા રાખી હતી, પણ તેઓ સતત નિષ્ફળ રહ્યાં. એક મોટી ઇનિંગમાં 97 રન વગરના હિસાબે જોવામાં આવે તો બાકીના બધા ઇનિંગ્સમાં તેઓ બોલર્સ સામે સંઘર્ષ કરતા જોવા મળ્યા. તેમનું ઓછી મેચોમાં રમાવાનું એક કારણ આ પણ છે. આવતાં સીઝનમાં ફ્રેંચાઈઝી કદાચ હવે તેમના પર વિશ્વાસ નહીં રાખે.

રોવમેન પોવેલ

વેસ્ટ ઈન્ડિઝના ધમાકેદાર બેટ્સમેન રોવમેન પોવેલને KKR એ 1.5 કરોડ રૂપિયામાં ખરીદ્યા હતા. તેમ છતાં, તેમને બહુ ઓછી મેચોમાં રમવાની તક મળી. જ્યારે સુધી ટીમ પાસે આન્દ્રે રસેલ છે, પાવેલને પ્લેઇંગ ઇલેવનમાં સ્થાન મળવાનું મુશ્કેલ છે. એટલે આગામી સીઝનમાં ફ્રેંચાઈઝી કોઈ બીજાં વિકલ્પ પર વિચાર કરી શકે છે.

મોઈન અલી

મોઈન અલીનું હાલ પણ રોવમેન પોવેલ જેવું છે. તેમનું પ્રદર્શન ઠીકઠાક રહ્યું છે, પણ સુનીલ નરેનની હાજરીમાં તેમને ટીમમાં જગ્યા મળવી મુશ્કેલ છે. તદ્દઉપરાંત, તેમને બેટિંગમાં પણ ખૂબ ઓછી તક મળી છે. આવી સ્થિતિમાં આવતાં સીઝન માટે ટીમ તેમને રિલીઝ કરી, કોઈ સ્પેશિયાલિસ્ટ સ્પિનરને સામેલ કરવાની યોજના બનાવી શકે છે.

રિંકુ સિંહ

આ નામ આશ્ચર્યજનક છે, પણ રિંકુ સિંહ પાસેથી ટીમે ઘણી અપેક્ષા રાખી હતી. ફ્રેંચાઈઝીએ તેમને 13 કરોડ રૂપિયામાં રિટેન કર્યા હતાં, પણ તેઓ તેમાં સારો દેખાવ કરી શક્યા નહીં. 10 ઇનિંગ્સમાં માત્ર 197 રન જ બનાવ્યા, જે તેમની હાલની છબી પ્રમાણે નિરાશાજનક છે. તેથી આવતાં સીઝનમાં તેમને લઇને પણ મોટો નિર્ણય લેવાઈ શકે છે.

વધુ વાંચો: RCB પોઈન્ટ ટેબલમાં ટોચ પર છતાં હજુ સરળ નથી પ્લેઓફનો રસ્તો! જાણો સંપૂર્ણ સમીકરણ

IPL 2026 પહેલા કોલકાતા નાઈટ રાઈડર્સ ની ટીમ કેટલાક ખેલાડીઓથી દૂરી બનાવી શકે છે, જેમનું આ સીઝનમાં પ્રદર્શન અપેક્ષિત ન રહ્યું હોય. નવા સંયોજન અને નવી વ્યૂહરચના સાથે ટીમ આગામી સીઝનમાં મેદાન પર ઉતરવા માટે તૈયારી કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ