જસદણ પેટા ચૂંટણી પર રમાયો સટ્ટો..! બુકી બજારમાં આ પક્ષ હોટ ફેવરિટ

જસદણમાં કયો પક્ષ બાહુબલી બનશે તેનું પરિણામ આવતીકાલે આવશે. પેટા ચૂંટણીના મતદાન બાદ બંને પક્ષો જીત હારના દાવાઓ હાલ કરી રહ્યા છે. જોકે પરિણામની રાહ ઉમેદવારો કરતા મતદારો અહીં વધુ જોતા નજરે ચઢ્યા છે.

ખાસ બુકી બજાર પણ જસદણ પેટા ચૂંટણીને લઈ ગરમાયું છે. જેમાં બાવળિયા હોટ ફેવરીટ છે. બુકીઓએ બાવળિયાનો ભાવ 0.40 પૈસા નક્કી કર્યો છે. ચૂંટણીના પરિણામ ટાણે કોઈ અરાજક્તા ન ફેલાય તે માટે સુરક્ષા વ્યવસ્થા પણ ચુસ્ત કરવામાં આવી છે. મતગણતરીના કેન્દ્રો પર પોલીસનો ચાપતો બંદોબસ્ત ખડકીદેવામાં આવ્યો છે.

આપને જણાવી દઇએ કે જસદણની ચૂંટણી બાદ ચૂંટણીપંચે આંકડો જાહેર કર્યો હતો. જસદણ પેટાચૂંટણીમાં 71.27 ટકા મતદાન નોંધાયું છે. ચૂંટણીપંચના દાવા પ્રમાણે બુથ કેપ્ચરિંગ કે મારામારીની કોઈ ઘટના સામે આવી નથી.

જસદણમાં શાંતિપૂર્ણ રીતે મતદાન પૂર્ણ થયું છે. ત્યારે આવતીકાલે મતગણતરી યોજાવાની હોઇ સ્થાનિક વ્યવસ્થાતંત્ર દ્વારા પણ ચાંપતો બંદોબસ્ત ગોઠવી દેવામાં આવ્યો છે.