ના હોય! / ચોરબજારમાંથી ખરીદેલી 90 પૈસાની ચમચીએ બનાવ્યો લખપતિ, કિસ્સો જાણીને હેરાન થઇ જશો

• 90 પૈસાની ચમચીએ ચમકાવી કિસ્મત 
• 2 લાખ રૂપિયામાં વેચાઇ ચમચી 
• લંડનની ચોરબજારમાંથી ખરીદી હતી 

કિસ્મત સારી હોય તો વ્યક્તિ ક્યાંનો ક્યાં પહોંચી જાય છે. ગંગૂ તૈલીથી રાજા ભોજ સુધીનો પ્રવાસ ક્યાં ખેડાઇ જાય તેની ખબર પડતી નથી. હાલમાં જ એક વ્યક્તિનું નસીબ એવું ચમક્યું કે તૂટેલી ચમચીના 2 લાખ રૂપિયા મળ્યાં. 

90 પૈસામાં ખરીદી હતી ચમચી 
એક રિપોર્ટ અનુસાર શખ્સને ચમચી જોઇને અહેસાસ થઇ ગયો હતો કે આ ચમચીમાં કંઇક તો ખાસ છે. જેથી તેણે 90 પૈસામાં આ ચમચી ખરીદી લીધી હતી. બાદમાં તેણે આ ચમચીની તપાસ કરી તો જાણવા મળ્યું કે 13મી શતાબ્દીની રોમન યુરોપિયન સ્ટાઇલની છે. શખ્સને વિશ્વાસ થઇ ગયો હતો કે તેના હાથમાં જેકપોટ લાગ્યો છે. 

નિલામીમાં 2 લાખમાં વેચાઇ હતી
આ શખ્સે જ્યારે ચમચીની હાલની કિંમત આંકી તો તેની આંખો ફાટી ગઇ હતી. 52 હજાર રૂપિયા તેની કિંમત હતી બાદમાં તેણે ઓનલાઇન ઓક્શન પ્લેટફોર્મ પર મૂકી હતી. આ ચમચીને ખરીદવા માટે લોકો બોલી લગાવી રહ્યાં હતા. આ ચમચી છેલ્લે 1 લાખ 97 હજારમાં ફાઇનલ થઇ હતી અને એક્સ્ટ્રા ચાર્જ જોડ્યા ત્યારે 2 લાખ થઇ ગયા હતા. 

આ શખ્સે પોતાની ઓળખાણ છૂપાવી છે પરંતુ તેની ચમચીને નીલામ કરનારી કંપનીએ તસવીર શૅર કરી છે. કહેવામાં આવી રહ્યું છે કે આ શખ્સ બૂટ માર્કેટ જતો રહે છે અને ત્યાં તેણે એક સેલર પાસેથી આ ચમચી ખરીદી હતી.