રશિયાના રાષ્ટ્રપતિ પુતિને પીએમ મોદી સાથે ટેલિફોનિક વાતચીત કરી છે જેમા એશિયા પેસિફિક ક્ષેત્રને લઈને આદાન પ્રદાન કરવામાં આવ્યું હતું.
પીએમ મોદી અને રાષ્ટ્રપતિ પુતિન વચ્ચે ટેલિફોનિક ચર્ચા
એશિયા પેસિફિક ક્ષેત્રને લઈને થઈ ચર્ચા
પુતિને પીએમ મોદીનો આભાર પણ વ્યક્ત કર્યો
પુતિને પીએમ મોદીને ફોન ઘુમાવ્યો
સોમવારે રશિયાના રાષ્ટ્રપતિ પુતિને ભારતીય પ્રધાનમંત્રી મોદીને ફોન કરીને વાતચીત કરી હતી અને એશિયા પેસિફિક ક્ષેત્રની સ્થિતિને લઈને ચર્ચા કરવામાં આવી હતી. રશિયાના અધિકારીએ આ જાણકારી આપી છે.
હાલમાં જ દિલ્હી આવ્યા હતા રશિયાના રાષ્ટ્રપતિ
રશિયાના રાષ્ટ્રપતિ વ્લાદિમીર પુતિન છઠ્ઠી ડિસેમ્બરે જ દિલ્હી પ્રવાસે આવ્યા હતા અને તે મુલાકાત દરમિયાન પણ બંને રાષ્ટ્રનેતાઓ વચ્ચે અનેક મુદ્દાઓ પર ચર્ચા કરવામાં આવી હતી. તે સમયે પુતિને ભારતને ફરી એકવાર મિત્ર રાષ્ટ્ર કહ્યું હતું.
પુતિન અને પીએમ મોદી વચ્ચે થઈ વાતચીત
રશિયાએ કહ્યું કે બંને નેતાઓ વચ્ચે પુતિનની ભારત યાત્રા દરમિયાન કરવામાં આવેલા કરારોને લાગુ કરવા મામલે ચર્ચા કરવામાં આવી હતી અને સાથે સાથે દિલ્હીમાં ઉમળકાભેર સ્વાગત કરવા માટે પણ પુતિને પીએમ મોદીનો આભાર માન્યો.
રશિયાએ કહ્યું કે બંને વચ્ચે ટેલિફોનિક વાતચીત દરમિયાન કરારોને લાગુ કરવાને લઈને ચર્ચા કરવામાં આવી. આ સાથે પરસ્પર વિકાસને લઈને પણ મત વ્યક્ત કરવામાં આવ્યો છે.