વિવાદ / દિવાળી પર બે મોટી કંપનીઓ વચ્ચે બબાલ: સ્પાઇસજેટે કહ્યું ફટાકડાં ન ફોડશો, સામે આ કંપનીએ આપ્યો જોરદાર જવાબ

• સ્પાઈસ જેટના બેનરથી વિવાદ 
• ફટાકડા બનાવતી કંપનીએ આપ્યો જોરદાર જવાબ 
• સ્પાઈસ જેટે લગાવ્યું હતું 'નો ક્રેકર દિવાળી'નું બેનર 

દિવાળી આવવામાં ગણતરીના દિવસો જ બાકી રહ્યા છે. એવામાં પર્યાવરણને લઈને સતત લોકોને અલગ અલગ રીતે જાગૃત કરવામાં આવી રહ્યા છે. આ વચ્ચે એરલાઈન્સ કંપની સ્પાઈસ જેટે એક પોસ્ટરથી વિવાદ ઉભો કરી દીધો છે. અમુક એરપોર્ટ પર સ્પાઈસ જેટની તરફથી લગાવવામાં આવેલા પોસ્ટર્સમાં 'નો ક્રેકર દિવાલી'ની લોકોને અપીલ કરવામાં આવી હતી. આ કારણે આ એરલાઈન્સ કંપની ફટાકડા બનાવતી કંપનીના નિશાના પર આવી ગઈ છે. 

હવે ‘Cock Brand’ હેઠળ ફટાકડા બનાવતી કંપની શ્રી કલીસ્વરી ફાયરવર્ક્સ પ્રાઈવેટ લિમિટેડે સ્પાઈસ જેટને તેના આ કેમ્પેનને લઈને તેને આડે હાથ લીધી છે. કંપનીએ ફેસબુક પોસ્ટ કરીને પુછ્યું છે કે શું તમારી એરલાઈન્સ પ્રદુષણ મુક્ત છે? અથવા પ્લેન વ્હાઈટ અથવા ગ્રીન પેટ્રોલથી ચાલી રહ્યું છે? 

સ્પાઈસ જેટના એક બેનરને શેર કરતા ફટાકડા બનાવતી કંપનીએ લખ્યું- "શું તમારૂ પ્લેન પ્રદૂષણ મુક્ત છે? શું તમે વ્હાઈટ પેટ્રોલ અથવા ગ્રીન પેટ્રોલના પ્લેનનો ઉપયોગ કરો છો? કઈ રીતે તમે અમારા ફટાકડાના ઉદ્યોગ વિશે વાત કરી શકો છો.? તમે પોતાના વ્યવસાયને કેમ નથી રોકી દેતા, તમારા પ્લેનને ગાર્બેજમાં ફેન્કી દો અને ત્યાર બાદ લોકોને સલાહ આપવા માટે સામે આવજો. "

લોન્ચ કરવામાં આવ્યા હતા ઈકો ફ્રેન્ડલી ગ્રીન ફાયર ક્રેકર્સ 
મહત્વનું છે કે વર્ષ 2018માં સુપ્રીમ કોર્ટે ફટાકડા પર પ્રતિબંધ લગાવતા પ્રદૂષણને રોકવા માટે ફક્ત ગ્રીન ફટાકડાના વેચાણને પરવાનગી આપી હતી. જોકે તે સમયના સ્વાસ્થ્ય મંત્રી ડોક્ટર હર્ષવર્ધને ઈકો ફ્રેન્ડલી ગ્રીન ફાયર ક્રેકર્સ લોન્ચ કર્યા હતા. જેને ભારતમાં બનાવવામાં આવી રહ્યા છે. 

ડોક્ટર હર્ષવર્ધને કાઉન્સિલ ફોર સાઈન્ટિફિક એન્ડ એન્ડસ્ટ્રિયલ રિસર્સના એક કાર્યક્રમમાં શામેલ થતા કહ્યું હતું કે મને આ વાતની ખુશી છે કે એક તરફ જ્યાં દિવાળીએ આપણે ઈકો ફ્રેન્ડ્લી ફટાકડાનો ઉપયોગ કરીએ છીએ તો ત્યાં જ બીજી તરફ આપણા પારંપરિત તહેવાર પ્રકાશ અને ફટાકડાની સાથે ઉજવવામાં આવે છે.