બ્રિટનના માન્ચેસ્ટર શહેરમાંથી એક વિચિત્ર ઘટના સામે આવી છે. એક સ્પર્મ ડોનરની જાણ વગર તેના વીર્યમાંથી 13 બાળકો પેદા કરાયા.
બ્રિટનના 49 વર્ષીય નીલ ગાસ્કેલને હમણાં જ એવી જાણ થઇ કે તેમના સ્પર્મ ડોનેશન વડે 14 બાળકો જન્માવવામાં આવ્યા છે. નીલને ફક્ત એટલી જ જાણ કરવામાં આવી હતી કે તેના સ્પર્મથી ફક્ત 2-3 બાળકો જન્મ્યા છે.
આ ઉપરાંત નીલે ફર્ટિલિટી ક્લિનિક સામે 4 વર્ષની કાયદાકીય લડત આપીને જીત મેળવી છે. નીલને ફર્ટિલિટી ક્લિનિકે વચન આપ્યું હતું કે તેઓ તેનું સ્પર્મ સમલૈંગિક દંપતિને નહીં આપે.
આમ છતાં નીલને જાણવા મળ્યું કે 3 સમલૈંગિક દંપતિએ નીલના સ્પર્મ વડે 5 બાળકો મેળવ્યા છે જયારે 3 સિંગલ મધર્સે 4 બાળકો મેળવ્યા છે અને બીજા 4 બાળકો સામાન્ય પતિ પત્નીએ મેળવ્યા છે.
નીલનું માનવું છે કે ફેમિલીમાં એક પિતાનું હોવું જરૂરી છે અને આ કારણે તે સિંગલ મધર્સ અને સમલૈંગિક દંપતિઓને પોતાનું સ્પર્મ ન જાય તેવો દ્રઢ આગ્રહ રાખતો હતો.
આ બનાવથી નીલ એટલો બધો દુઃખી થઇ ગયો કે તેનું લગ્ન જીવન પણ ભાંગી પડ્યું. આ તરફ ફર્ટિલિટી સેન્ટરે કહ્યું છે કે આ બનાવ ભવિષ્યમાં ન બને તેનું પૂરતું ધ્યાન આપવામાં આવશે.